Mga Paisi
◼ Alok sa Enero: Puedeng ialok an arin man sa haloy nang libro na 192 pahinas. An mga mayo nin haloy nang mga libro puedeng ialok an Mankind’s Search for God. Pebrero: Iaalok an librong Rumani ki Jehova. Marso: Iaalok an librong Kaaraman, na may pasohan na makapoon nin mga pag-adal sa Biblia. Kun an mga tawo igwa na kan publikasyon na ini, puedeng ialok an Pay Attention to Daniel’s Prophecy! Abril asin Mayo: Indibiduwal na mga kopya kan An Torrengbantayan asin Awake! Kun nagdadalaw liwat sa mga interesado, iiba an mga nag-atender sa Memorial o iba pang teokratikong okasyon alagad bakong aktibong asosyado sa organisasyon. Magkonsentrar sa pagpasakamot kan librong Worship God. Hingoahon na makapoon nin pag-adal sa Biblia, nangorogna sa mga indibiduwal na nakapag-adal na sa librong Kaaraman asin sa brosyur na Kahagadan.
◼ Maninigong gumibo nin mga areglo an mga kongregasyon sa pagselebrar kan Memorial ngonyan na taon sa Domingo, Abril 4, 2004, pagkasolnop kan saldang. An mga pagtiripon na dating ginigibo kun Domingo maninigong gibohon sa ibang aldaw tanganing an Memorial sana an pagtiripon sa Abril 4. Minsan ngani an pahayag puedeng magpoon nin mas amay, an pagpasa kan mga emblema kan Memorial maninigong dai magpoon sagkod na dai pa nakasolnop an saldang. Mantang mayo nin gigibohon na mga pagtiripon sa aldaw na iyan apuera sa mga pagtiripon bago lumuwas sa paglilingkod sa langtad, maninigong gumibo nin angay na mga pagliwat para sa Pag-adal sa Torrengbantayan na gigibohon sa ibang panahon. Kaipuhan na iadaptar kan mga paraataman sa sirkito an saindang iskedyul nin pagtiripon para sa semanang iyan oyon sa lokal na mga kamugtakan. Dawa ngani mamawoton kan kada kongregasyon na magkaigwa nin sadiri kaiyan na selebrasyon kan Memorial, tibaad ini bako pirmeng posible. Sa mga lugar na nagkapirang kongregasyon an dati nang naggagamit nin sasarong Kingdom Hall, tibaad an saro o labi pang kongregasyon puedeng kumua nin ibang pasilidad na magagamit para sa bangging iyan. Kun posible, isinusuherir mi an kisuerra 40 minutos na pag-oltanan kan mga programa tanganing an gabos makinabang nin lubos sa okasyon.
◼ Mantang an Abril asin Mayo espesyal na mga bulan nin pagmamagasin asin dakol an makikikabtang sa pag-auxiliary payunir sa panahon na iyan, an paraataman sa paglilingkod asin an tugang na nag-aasikaso kan mga magasin maninigong planohon na ngonyan an pagpedido nin dugang na mga magasin na gagamiton kan kongregasyon durante kan mga bulan na iyan. Ipadara tabi an saindong espesyal na mga pedido tangani na umabot iyan sa sangang opisina sa Pebrero 1, 2004. Seseguradohon kaini na mareresibi nindo an dugang na mga magasin kadungan kan saindong regular na pedido.
◼ Poon Marso 15, 2004, sagkod Mayo 16, 2005, pag-aadalan an librong Rumani ki Jehova sa Pag-adal sa Libro kan Kongregasyon. An mga nangangaipo nin libro para sa pag-adal maninigo na ngonyan na isumitir an saindang pedido.
◼ Makukuang Bagong Publikasyon:
The Guidance of God—The Way to Paradise—Tausug (Pasabot: An brosyur na ini para sa mga Muslim makukua na ngonyan sa saro sa saindang sadiring mga lenguahe.)