Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Pebrero 23, 2004. Pamamayohan kan paraataman sa paadalan an sarong 30 minutos na repaso basado sa materyales na kinobrehan sa mga asignasyon para sa mga semana nin Enero 5 sagkod Pebrero 23, 2004. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Ano an puede niatong gibohon tangani na seguradohon na an praktikal na halaga kan materyales na iinaatubang magin malinaw sa mga nagdadangog sa sato asin tunay na kapakipakinabang sa sainda? [be p. 157 par. 5–p. 158 par. 1-3]
2. Taano ta maninigo na pilion niato nin maingat an satong mga tataramon? [be p. 160 par. 1 asin ikaduwang kahon]
3. Anong pundamental na kahagadan sa marahay na pagtaram an itinatampok sa 1 Corinto 14:9, asin paano niato ikaaaplikar an prinsipyong ini sa satong pagtotokdo? [be p. 161 par. 1-4]
4. Siring kan maheheling sa Mateo 5:3-12 asin Marcos 10:17-21, ano an sarong pambihirang karakteristiko kan pagtotokdo ni Jesus na maaarog niato? [be p. 162 par. 4]
5. Sa satong ministeryo o kun nagkokomento sa mga pagtiripon kan kongregasyon, taano ta maninigo kitang magin interesado sa paggamit nin mga tataramon na nagpapahayag nin kaigotan, pagsaboot, asin kolor? (Mat. 23:37, 38) [be p. 163 par. 3–p. 164 par. 1]
ASIGNASYON NUM. 1
6. Ano an pinakatema nin sarong pahayag, asin paano an danay na paggirumdom kaiyan magigin epektibo kun nagpipili asin nag-oorganisar nin materyales para sa sarong pahayag? [be p. 39 par. 6–p. 40 par. 1]
7. (a) Ano an kahulogan kan pagigin malinig sa espirituwal, asin taano an kalinigan sa espirituwal ta puedeng ibilang na pinakaimportanteng kalinigan sa gabos? (b) Paano malilikayan nin mga Kristiano an pag-ako sa kaatian sa moral na lakop sa kinaban? [w02 2/1 p. 5-6]
8. Sa gabos na prinsipyo na yaon sa Biblia, arin an mas mahahalaga? [w02 2/15 p. 5 par. 1, 4, 6]
9. Ano an empatiya, asin paano ipinaheling ni Jesus an kualidad na ini? [w02 4/15 p. 25 par. 4-5]
10. Paano aplikado an Talinhaga 11:11 sa mga kongregasyon kan banwaan ni Jehova? [w02 5/15 p. 27 par. 1-3]
SEMANAL NA BABASAHON SA BIBLIA
11. Ano an irinerepresentar kan “kahoy nin buhay” na nasambitan sa Genesis 2:9?
12. Taano ta nawara kan agom ni Lot an saiyang buhay? (Gen. 19:26) [w90-E 4/15 p. 18 par. 10]
13. Sa makahulang drama sa Genesis kapitulo 24, siisay an ilinaladawan (a) ni Abraham, (b) ni Isaac, (c) kan lingkod ni Abraham na si Eliezer, (d) kan sampulong kamelyo, asin (e) ni Rebeca?
14. Itinalaga daw nin Dios antes pa si Jacob asin si Esau? (Gen. 25:23)
15. Sa anong paagi na si Raquel marahay na halimbawa nin saro na maigot na naghingoa na binendisyonan ni Jehova? (Gen. 30:1-8) [w02 8/1 p. 29-30]