Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Abril 26, 2004. Pamamayohan kan paraataman sa paadalan an sarong 30 minutos na repaso basado sa materyales na kinobrehan sa mga asignasyon para sa mga semana nin Marso 1 sagkod Abril 26, 2004. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Kun kita nagpapahayag, taano ta mas marahay na magtaram gikan sa sarong outline imbes na magbasa gikan sa sarong manuskrito? [be p. 166 par. 3]
2. Sa pag-andam para sa paglilingkod sa langtad, paano niato oorganisaron an satong mga ideya na magin nasa isip na outline? [be p. 167 par. 2]
3. Ginagamit an Gibo 13:16-41 asin Gibo 17:2, 3, ipaliwanag kun paano ni Pablo ‘pinatunayan sa lohikong paagi na si Jesus an Cristo.’ (Gibo 9:22) [be p. 170 par. 2]
4. Ano an nagkapirang bentaha nin ekstemporanyong pagtaram? [be p. 175 par. 2-5]
5. Anong potensial na natatagong mga peligro an kaiba sa ekstemporanyong pagtaram, asin ano an makakatabang sa sato na malikayan iyan? [be p. 175 par. 6–p. 176 par. 3]
ASIGNASYON NUM. 1
6. Segun sa pagkasaysay sa Genesis 32:24-32, ano an ginibo kan 97 anyos na si Jacob tangani na makamtan an bendisyon ni Jehova, asin ano an itinotokdo kaini sa sato? [w02 8/1 p. 29-31]
7. Ano an “kakayahan sa pag-iisip,” asin paano iyan makaoolang sa sato na mawaran nin panimbang asin makolgan na dai man kaipuhan? (Tal. 1:4) [w02-E 8/15 p. 21-2]
8. Paano magigibo kan pampublikong mga ispiker na magin basehan kan saindang mga pahayag an Kasuratan? [be p. 52 par. 6–p. 53 par. 5]
9. Sa paggibo nin sarong outline sa pahayag na magin malaman na esplikasyon kan Kasuratan, anong mga desisyon an dapat na gibohon nin sarong ispiker? [be p. 54 par. 2-4]
10. Taano ta pinakakan ni Jehova nin mana an mga Israelita serosemana, bulan-bulan, kan nasa kaawagan, asin ano an manonodan niato digdi? (Deut. 8:16) [w02 9/1 p. 30 par. 3-4]
SEMANAL NA BABASAHON SA BIBLIA
11. Arog kan ipinababanaag sa Genesis 37:12-17, anong pagkakaagid an manonompongan niato sa pamumuhay ni Jose asin ni Jesus? [w87-E 5/1 p. 12 par. 12]
12. Siring kan maheheling sa pagkasaysay sa Genesis 42:25-35, paano ipinaheling ni Jose an pagkaludok na kapareho kan pagkaludok na ipinaheling ni Jesus? [w87 5/1 p. 18 par. 10; p. 19 par. 17]
13. Paanong an mga probisyon na itinatao kan grupong oripon ngonyan kapareho kan pagwaras nin trigo kan kaaldawan ni Jose? (Gen. 47:21-25)
14. Sa pagsabing, “Ako magigin ano man na gusto kong ako magin,” ano an ihinahayag ni Jehova mapadapit sa saiyang ngaran? (Ex. 3:14, 15)
15. Anong duwang katambay na peligro sa pagrereklamo an nasusurat sa Exodo 16:2, 3? [8, w93 3/15 p. 20-1]