Mga Paisi

◼ Alok sa Enero: Puedeng ialok an arin man sa haloy nang 192 na pahinang mga libro. Pebrero: Itatampok an librong Rumani ki Jehova. Marso: Ialok an librong Kaaraman na may pasohan na makapoon nin mga pag-adal sa Biblia. Abril asin Mayo: Itampok an indibiduwal na mga kopya kan An Torrengbantayan sagkod Awake! Kun nagdadalaw liwat sa mga interesado, kaiba an mga nag-atender sa Memorial o iba pang teokratikong okasyon alagad bakong aktibong asosyado sa kongregasyon, magkonsentrar sa pagpasakamot kan librong Nagkakasararo sa Pagsamba. An katuyohan iyo na maninigong makapoon nin pag-adal sa Biblia, nangorogna sa mga indibiduwal na nakapag-adal na sa librong Kaaraman asin sa brosyur na Kahagadan.

◼ Poon sa Marso 2004, an bagong pampublikong pahayag para sa mga paraataman sa sirkito iyo an “Pag-atubang sa Ngapit na May Pagtubod Asin Kosog nin Boot.”

◼ Maninigong gumibo nin mga areglo an mga kongregasyon sa pagselebrar kan Memorial ngonyan na taon sa Huebes, Marso 24, 2005, pagkasolnop kan saldang. An mga pagtiripon na sa parate ginigibo kun Huebes maninigong gibohon sa ibang aldaw. Minsan ngani an pahayag puedeng magpoon nin mas amay, an pagpasa kan mga emblema kan Memorial maninigong dai magpoon sagkod na dai pa nakasolnop an saldang. Kaipuhan na iadaptar kan mga paraataman sa sirkito an saindang iskedyul nin pagtiripon para sa semanang iyan oyon sa lokal na mga kamugtakan. Dawa ngani mamawoton kan kada kongregasyon na magkaigwa nin sadiri kaiyan na selebrasyon kan Memorial, tibaad ini bako pirmeng posible. Sa mga lugar na nagkapirang kongregasyon an dati nang naggagamit nin sasarong Kingdom Hall, tibaad an saro o labi pang kongregasyon puedeng kumua nin ibang pasilidad na magagamit para sa bangging iyan. Kun posible, isinusuherir mi an kisuerra 40 minutos na pag-oltanan kan mga programa tanganing an gabos makinabang nin lubos sa okasyon.