Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Pebrero 28, 2005. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Enero 3 sagkod Pebrero 28, 2005. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Paano niato magigibo na mas nasasabotan an satong pagtaram? [be p. 226 par. 1–p. 227 par. 1]
2. Anong klaseng mga termino an tibaad nagkakaipo nin dagdag na paliwanag? [be p. 227 par. 2–p. 228 par. 1]
3. Anong paagi an makakatabang sa sato na iatubang an materyales sa paagi na talagang nakakapagtokdo sa mga naghihinanyog sa sato? [be p. 231 par. 1-3]
4. Paano niato magigibo na nakakapagtokdo sa mga nagdadangog sa sato an pagbasa nin sarong pamilyar na teksto? [be p. 231 par. 4-5]
5. Ano an tibaad magin epekto kan pag-enkaminar sa mga naghihinanyog sa sato na magkonsentrar sa mga detalye sa sarong pamilyar na pagkasaysay sa Biblia? [be p. 232 par. 2-4]
ASIGNASYON NUM. 1
6. Ano an kaiba sa pagtokdo sa mga tawo na ‘matakot sa tunay na Dios asin otobon an saiyang mga togon’? (Ecl. 12:13) [be p. 272 par. 3–p. 273 par. 1]
7. Paano niato puedeng darahon an atension bako sanang sa ngaran na Jehova kundi sa persona na nasa likod kan ngaran na iyan? (Joel 2:32) [be p. 274 par. 2-4]
8. Gurano kahalaga an pagkua nin kaaraman manongod ki Jesus asin pagpatotoo dapit sa saiya? (Juan 17:3) [be p. 275 par. 7]
9. Paano an pagkaigwa nin inooyonan na relasyon sa Dios asin nin pakasabot sa Biblia direktang konektado sa pakasabot sa katongdan ni Jesus? [be p. 276 par. 1]
10. Paano niato ikakapaheling na talagang nagtutubod kita na si Jesu-Cristo Hade? [be p. 277 par. 4]
SEMANAL NA BABASAHON SA BIBLIA
11. An ama daw ni Abraham, si Tare, sarong parasamba sa mga idolo? (Jos. 24:2)
12. Mayo daw nin kosog nin boot si Gedeon na otobon an asignasyon na itinao ni Jehova sa saiya? Taano ta siring an simbag nindo? (Hok. 6:25-27)
13. Ano an manonodan niato sa paagi nin pakikipag-olay ni Gedeon sa tribo ni Efraim? (Hok. 8:1-3)
14. Ano an ipinarisa kan pagigin habong mag-istimar kan mga taga Gibea? (Hok. 19:14, 15)
15. Kun ‘an ginigibo kan lambang saro iyo an tama sa saiyang mga mata,’ ini daw nagpalakop nin anarkiya? (Hok. 21:25)