Mga Paisi
◼ Alok sa Marso 1-20: Ialok an librong Kaaraman na may pasohan na makapoon nin mga pag-adal sa Biblia. Marso 21–Abril 17: Espesyal na kampanya nin pagdistribwir kan brosyur na Magdanay Kamong Mapagbantay! Abril 18–Mayo 31: Itampok an indibiduwal na mga kopya kan An Torrengbantayan sagkod Awake! Kun nagdadalaw liwat sa mga interesado, pati na sa mga nag-atender sa Memorial o iba pang teokratikong okasyon alagad bakong aktibong asosyado sa kongregasyon, magkonsentrar sa pagpasakamot kan librong Nagkakasararo sa Pagsamba. An katuyohan iyo na maninigong makapoon nin pag-adal sa Biblia, nangorogna sa mga indibiduwal na nakapag-adal na sa librong Kaaraman asin sa brosyur na Kahagadan. Hunyo: Iaalok an Makanood sa Dakulang Paratokdo. Kun may mga indibiduwal na magsabing mayo sinda nin aki, ialok an brosyur na Kahagadan asin hingoahon na makapoon nin pag-adal sa Biblia.
◼ An mga parahayag na boot na maglingkod bilang auxiliary payunir sa Abril asin Mayo maninigo nang magplano ngonyan asin itao nin amay an saindang aplikasyon. Makakatabang ini sa kamagurangan na gumibo nin kinakaipuhan na mga areglo sa paglilingkod sa langtad asin magkaigwa nin supisyenteng mga magasin na magagamit ninda. Maninigong ianunsiar sa kongregasyon an ngaran kan mga aprobado bilang auxiliary payunir.
◼ Babasahon sa Biblia Para sa Memorial: Ineenkaminar an gabos na basahon an isinuherir na kabtang kan Biblia na nakaiskedyul sa 2005 Calendar asin sa Pagsiyasat sa Kasuratan Aroaldaw, na mapoon sa Marso 19 asin matatapos sa aldaw kan Memorial, Marso 24.
◼ Mga Pag-adal sa Libro kan Kongregasyon: Poon sa semana nin Mayo 23, 2005 sagkod sa semana nin Hunyo 20, 2005, pag-aadalan niato an brosyur na Magdanay Kamong Mapagbantay! Dangan, poon sa semana nin Hunyo 27, 2005, pag-aadalan niato an Pay Attention to Daniel’s Prophecy sa mga pag-adal sa libro. An mga kongregasyon na Cebuano, Hiligaynon, Iloko, asin Tagalog maninigo nang ipadara tolos-tolos an saindang mga pedido para sa librong Daniel’s Prophecy tanganing masegurado na an gabos igwa nin personal na kopyang pag-aadalan. Sa mga kongregasyon na Bicol, Pangasinan, asin Samar-Leyte, an pag-aadalan gigibohon na nasa pormang magasin asin mapadara nin suplay sa kada kongregasyon, tanganing magkaigwa nin kopya an lambang parahayag. Huli kaini, dai na kaipuhan na magpedido sa tolong lenguaheng ini.