Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Hunyo 27, 2005. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Mayo 2 sagkod Hunyo 27, 2005. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Taano an mga simili asin metapora ta mapuersang mga pamamaagi sa pagtotokdo? (Gen. 22:17; Sal. 1:3; Sant. 3:6) [be p. 240 par. 2-4, kahon]
2. Saen kita makakakua nin mga halimbawa na nakakapagtokdo nin mahahalagang leksion, alagad anong pagmamaan an maninigo niatong sunodon mapadapit digdi? [be p. 242 par. 2-3]
3. Ano an kaipuhan niatong girumdomon kun nagpipili nin mga ilustrasyon na magigin pinakaepektibo? [be p. 244 par. 1-2]
4. Taano ta maninigo kitang gumamit nin bisual na mga pantabang sa satong pagtotokdo, asin paano iyan ginibo ni Jehova? [be p. 247 par. 1-2, kahon]
5. Paano niato magagamit an bisual na mga pantabang sa ministeryo sa langtad? [be p. 248 par. 1–p. 249 par. 2]
ASIGNASYON NUM. 1
6. Ano an instruksion na nasa Tataramon nin Dios manongod sa edukasyon nin mga aki? [w03 3/15 p. 12 par. 2; p. 14 par. 4]
7. Paano si Jehova nagpaheling nin interes ki David bilang sarong hoben, asin paano si David nagpaheling nin interes ki Jehova? [w03 4/15 p. 29 par. 3; p. 30 par. 3]
8. Taano ta minangno ni Jehova an atang ni Abel, asin ano an sinisierto kaini sa sato? (Gen. 4:4) [w03 5/1 p. 29 par. 4–p. 30 par. 2]
9. Ano “an disiplina ni Jehova” na isinasadol sa sato kan Talinhaga 3:11 na dai ipagsikwal? [w03 10/1 p. 20 par. 2-4]
10. Ano an kahulogan kan “pagigin naninigoan sa sadiri” na ginamit sa 1 Timoteo 6:6-8? [w03 6/1 p. 9 par. 1-2; p. 10 par. 1]
SEMANAL NA BABASAHON SA BIBLIA
11. Sa ano nagseserbing anino an nakakapagpasarong bogkos nin pagkamoot sa pag-oltanan ni Jonatan asin David? (2 Sam. 1:26) [w89 2/1 p. 10 par. 13]
12. Ano an manonodan sa enot na pagprobar ni David na darahon an kaban kan tipan sa Jerusalem? (2 Sam. 6:2-9)
13. Pakatapos na magkasala si David asin Bat-seba, taano ta kinaipuhan na magadan an saindang aking lalaki, mantang sinasabi kan Deuteronomio 24:16 asin Ezequiel 18:20 na an aki dai magagadan huli sa sala kan saiyang ama? (2 Sam. 12:14; 22:31)
14. Paano niato naaaraman na putik an sinabi ni Ziba manongod ki Mefiboset? (2 Sam. 16:1-4)
15. Taano ta sarong marahay na halimbawa para sa sato an reaksion ni Mefiboset sa saiyang situwasyon ki Ziba? (2 Sam. 19:24-30)