Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Oktubre 31, 2005. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Setyembre 5 sagkod Oktubre 31, 2005. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Paano niato masesegurado na an satong pagtotokdo hale sa Tataramon nin Dios nakakataros sa piguratibong puso nin mga tawo? (Mat. 13:19) [be p. 258 par. 1-2, kahon]
2. Ano an makakatabang sa sato na mapaluwas an nasa puso nin saro, alagad ano an dapat niatong girumdomon? [be p. 259 par. 1-2]
3. Kun kita nagtotokdo, taano ta mahalaga na idoon niato an marahayon na mga kualidad ni Jehova? [be p. 260 par. 1]
4. Paano niato matatabangan an satong mga inaadalan sa Biblia na mamansayan kun saen kaipuhan nindang umoswag? [be p. 260 par. 4–p. 261 par. 1]
5. Ano an magigibo niato tangani na matabangan an satong mga inaadalan sa Biblia o mga naghihinanyog sa sato na analisaron an saindang mga motibo sa paggibo nin mga bagay? [be p. 262 par. 2-3]
ASIGNASYON NUM. 1
6. Ano an kahulogan kan ‘maigot na paghanap’ ki Jehova, asin paano niato ikakapaheling na ginigibo niato ini? (Heb. 11:6) [w03-E 8/15 p. 25 par. 2; p. 26 par. 1-2; p. 27 par. 2]
7. Ano “an arogan nin ikakarahay na mga tataramon,” asin paano ikakapaheling nin kamagurangan na pinapangaptan ninda iyan? (2 Tim. 1:13, 14) [w03 1/1 p. 29 par. 3–p. 30 par. 1]
8. Ano an kahulogan kan terminong “canon kan Biblia,” asin ano an nagkapirang bagay na nagdedeterminar kun baga talagang nasa canon kan Biblia an sarong libro sa Biblia? [si-E p. 299 par. 5-6]
9. Taano an Kapidaso ni Muratori, na kaidto pang huring kabtang kan ikaduwang siglo C.E. ta importante sa pagpapatunay na talagang nasa canon kan Biblia an Kristianong Griegong Kasuratan? [si-E p. 302 par. 19]
10. Anong autorisasyon para sa pagtradusir kan Biblia an itinatao mismo kan Kasuratan, asin anong katuyohan an naotob kan suanoy na mga traduksion kan Biblia? [si-E p. 307 par. 9]
SEMANAL NA BABASAHON SA BIBLIA
11. Sinusuportaran daw kan 2 Hade 13:21 an paniniwala sa pagsamba sa mga relikya?
12. Nakipag-alyansa daw si Ezequias sa Egipto? (2 Ha. 18:19-21, 25)
13. Minsan ngani dai espesipikong nasasambitan kan kasaysayan nin Asiria an kahangahangang pagdaog ni Jehova ki Senaquerib, ano an naheling nindong interesante manongod sa sinabi sa mga rekord na iyan? (2 Ha. 19:35, 36)
14. Siisay an ama ni Sealtiel? (1 Cron. 3:16-18)
15. Kan kaaldawan ni Hadeng Saul, paano an mga Rubenita, an mga Gadita, asin an kabangang tribo ni Manases nagtao nin marahay na halimbawa para sa gabos na lingkod nin Dios ngonyan? (1 Cron. 5:18-22)