Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Disyembre 26, 2005. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Nobyembre 7 sagkod Disyembre 26, 2005. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Ano an magigibo niato tangani na seguradohon na an sadol niato itinatao “basado sa pagkamoot”? (Filem. 9) [be p. 266]
2. Sa anong mga paagi ‘makakapagsadol kita paagi sa katokdoan na ikakarahay’? (Tito 1:9) [be p. 266 par. 5–p. 267 par. 1]
3. Taano ta importante na an satong mga pahayag magin nakakaparigon sa boot, asin paano niato ini magigibo? [be p. 268 par. 1-3, kahon]
4. Bilang pag-arog ki Moises, paano nakakaparigon sa boot an pagtabang niato sa iba na girumdomon an ginibo ni Jehova para sa saiyang banwaan? (Deut. 3:28; 31:1-8) [be p. 268 par. 5–p. 269 par. 2]
5. Taano an pagtaram na may dakulang kaogmahan manongod sa ginigibo ngonyan ni Jehova asin manongod sa gigibohon nia sa ngapit ta makakaparigon sa boot kan mga nagdadangog sa sato? [be p. 270-1]
ASIGNASYON NUM. 1
6. Ano an Septuaginta, asin taano iyan ta interesante para sa mga Kristiano? [si-E p. 307 par. 12–p. 310 par. 14]
7. Sairisay an mga Masorete, asin ano an pambihirang mga ikinontribwir ninda sa pagtradusir kan Biblia? [si-E p. 310 par. 18; p. 311 par. 20-1]
8. Ano an pinagkuanan kan pundamental na teksto para sa Hebreong kabtang kan New World Translation sa Ingles, asin taano ta masasabi na masasarigan an traduksion na ini? [si-E p. 312 par. 28, 30]
9. Paano ipinaheling kan enot na mga Kristiano an makosogon na pagmawot na ipublikar an Tataramon nin Dios? [si-E p. 315 par. 1-5]
10. Ano an ihinahayag manongod sa Biblia kan pag-adal sa yaon na mga manuskrito asin teksto kan Banal na Kasuratan? [si-E p. 320 par. 32]
SEMANAL NA BABASAHON SA BIBLIA
11. An bagay daw na si David dai tinogotan na magtogdok kan templo nagpaparisa na dai inoyonan ni Jehova an mga pakikipaglaban ni David kaidto? (1 Cron. 22:6-10)
12. Sa saiyang pamibi sa dedikasyon kan templo, paano rinekonoser ni Salomon na si Jehova bako sanang mainasikaso sa mga pangangaipo kan saiyang mga lingkod bilang sarong grupo kundi aram man nia an napapalaen na situwasyon kan lambang indibiduwal na natatakot sa saiya? (2 Cron. 6:29, 30)
13. Ano an “garo kanding an itsurang mga demonyo” na nasasambitan sa 2 Cronica 11:15?
14. Mantang an pamamahala ni Baasa nagpoon “kan ikatolong taon ni Asa” asin naglawig sana nin 24 taon, paano niato iooyon dian an pagdatong ni Baasa “tumang sa Juda” “kan ikatolong polo may anom na taon kan paghade ni Asa”? (1 Ha. 15:33; 2 Cron. 16:1)
15. Paano buhay na iniilustrar kan 2 Cronica 20:22, 23 kun ano an madali nang mangyari sa kinaban ni Satanas?