Mga Paisi

◼ Alok sa Enero: Puedeng ialok an arin man sa haloy nang libro na ipinublikar bago 1991 na nasa istak kan kongregasyon. An mga kongregasyon na mayo nin haloy nang mga libro puedeng iatubang an brosyur na Magdanay Kamong Mapagbantay!, na puedeng pedidohon sa sangang opisina. Pebrero: Itatampok an librong Rumani ki Jehova. Marso: Iaalok niato an bagong librong Ano Man Nanggad an Itinotokdo kan Biblia? Abril asin Mayo: Indibiduwal na mga kopya kan An Torrengbantayan asin Awake!

◼ Poon sa Marso 2006, an bagong pampublikong pahayag para sa mga paraataman sa sirkito iyo an “Taano ta Dapat na Magpagiya sa Biblia?”

◼ Maninigong gumibo nin mga areglo an mga kongregasyon sa pagselebrar kan Memorial ngonyan na taon sa Mierkoles, Abril 12, pagkasolnop kan saldang. An mga pagtiripon na sa parate ginigibo kun Mierkoles maninigong gibohon sa ibang aldaw. Minsan ngani an pahayag puedeng magpoon nin mas amay, an pagpasa kan mga emblema kan Memorial maninigong dai magpoon sagkod na dai pa nakasolnop an saldang. Kaipuhan na iadaptar kan mga paraataman sa sirkito an saindang iskedyul nin pagtiripon para sa semanang iyan oyon sa lokal na mga kamugtakan. Dawa ngani mamawoton kan kada kongregasyon na magkaigwa nin sadiri kaiyan na selebrasyon kan Memorial, tibaad ini bako pirmeng posible. Sa mga lugar na nagkapirang kongregasyon an dati nang naggagamit nin sasarong Kingdom Hall, tibaad an saro o labi pang kongregasyon puedeng kumua nin ibang pasilidad na magagamit para sa bangging iyan. Kun posible, isinusuherir mi an kisuerra 40 minutos na pag-oltanan kan mga programa tanganing an gabos makinabang nin lubos sa okasyon.

◼ Huli kan kahalagahan kan Memorial, maninigo na an grupo nin kamagurangan pumili nin saro sa mas kualipikadong mga magurang na magin ispiker imbes na magsarosaralida sana o gamiton an iyo man sanang tugang kada taon. Kun may magurang na kabilang sa linahidan na kualipikadong marhay na magtao kan pahayag, sia an maninigong pilion.