Mga Paisi

◼ Alok sa Marso: Iaalok niato an bagong librong Ano Man Nanggad an Itinotokdo kan Biblia? Abril asin Mayo: Indibiduwal na mga kopya kan Torrengbantayan asin Awake! Kun nagdadalaw liwat sa mga interesado, pati sa mga nag-atender sa Memorial o iba pang teokratikong okasyon alagad dai aktibong nakikiasosyar sa kongregasyon, magkonsentrar sa pagpoon nin mga pag-adal sa Biblia na ginagamit an librong Ano Man Nanggad an Itinotokdo kan Biblia? Hunyo: Ialok an librong Makanood sa Dakulang Paratokdo. Kun may mga indibiduwal na magsabing mayo sinda nin aki, ialok an librong Kaogmahan nin Pamilya.

◼ Mantang an Abril may limang Sabado asin limang Domingo, iyan marahayon na bulan na mag-auxiliary payunir. An mga parahayag na boot na maglingkod bilang auxiliary payunir sa Abril maninigo nang magplano ngonyan asin itao nin amay an saindang aplikasyon. Makakatabang ini sa kamagurangan na gumibo nin kinakaipuhan na mga areglo sa paglilingkod sa langtad asin magkaigwa nin supisyenteng mga magasin na magagamit ninda. Maninigong ianunsiar sa kongregasyon an ngaran kan mga aprobado bilang auxiliary payunir.

◼ Gigibohon an Memorial sa Mierkoles, Abril 12, 2006. Kun may mga pagtiripon an saindong kongregasyon sa Mierkoles, dapat ining ibalyo sa ibang aldaw kan semana. Ineenkaminar an gabos na basahon an rekomendadong mga kabtang kan Biblia na nakaiskedyul sa 2006 Calendar asin sa Pagsiyasat sa Kasuratan Aroaldaw, na mapoon sa Abril 7 asin matatapos sa aldaw kan Memorial, Abril 12.

◼ Maninigong iluwas kan kongregasyon an pinakabagong mga isyu kan An Torrengbantayan asin Awake! pagkaresibi tolos kaini hale sa sangang opisina. Matatawan kaini nin panahon an mga parahayag na magin pamilyar sa mga laog bago ialok an mga magasin sa paglilingkod sa langtad. An Satong Ministeryo sa Kahadean maninigo man na iluwas pag-abot tolos kaiyan. Puede iyan na idistribwir paagi sa areglo nin Pag-adal sa Libro kan Kongregasyon.

◼ Kun nagpaplano kamong magbiahe asin umatender sa mga pagtiripon kan kongregasyon, sa sarong asamblea, o sa sarong pandistritong kombension sa ibang nasyon, an paghagad nindo nin impormasyon mapadapit sa mga petsa, oras, asin lugar dapat na ipadara sa sangang opisina na nangangataman kan gibohon sa nasyon na iyan. An adres kan mga sangang opisina nakalista sa huring pahina kan pinakabagong Yearbook.

◼ An programa sa video na Noah—He Walked With God totokaron sa sarong Pagtiripon sa Paglilingkod sa Mayo. Kun kaipuhan, puedeng pumedido nin mga kopya sa sangang opisina. Sabihon tabi nin espesipiko kun baga VHS o DVD an pinepedido.

◼ Makukuang Bagong mga Audiocassette:

What Does the Bible Really Teach? (5 cassette)—Ingles

◼ Makukuang Bagong mga Compact Disc:

What Does the Bible Really Teach? (7 CD)—Ingles