Mga Paisi
◼ Alok sa Hulyo asin Agosto: Puedeng ialok an arin man sa mga brosyur. Setyembre: Iaalok an librong Itinotokdo kan Biblia. Maninigong gumibo nin espesyal na paghihingoa na makapoon nin pag-adal sa Biblia sa enot na pagdalaw. Maninigong kultibaron an interes kan gabos na napasakamotan paagi sa pagdalaw liwat na may katuyohan na makapoon nin pag-adal sa Biblia. Oktubre: Ialok an indibiduwal na mga kopya kan An Torrengbantayan sagkod Awake! Kun magpaheling nin interes, iintrodusir an brosyur na Magdanay Kamong Mapagbantay! tanganing kultibaron an orog pang interes sa Biblia.
◼ Sa Sabado, Agosto 26, 2006, magkakaigwa nin pankagabsan na paglinig sa Erokan na Bethel sa Quezon City, kaya an opisina sirado sa agang iyan asin daing pagpasyar sa aldaw na iyan. An resepsion para sa literatura sirado man sa agang iyan.
◼ Poon sa enot na semana nin Setyembre, an mga paraataman sa sirkito matao kan pampublikong pahayag na may temang “Puede Kamong Magkaigwa nin Buhay na May Katoninongan Ngonyan—Asin Sagkod Lamang!” kun nagdadalaw sa mga kongregasyon.
◼ Maninigong gibohon an taonan na imbentaryo kan gabos na literatura asin magasin na nasa istak sa Agosto 31, 2006 o sa petsang pinakaharani dian na mapupuede. An imbentaryong ini kapareho kan aktuwal na pagbilang na ginigibo nin bulanan kan nagkokoordinar kan literatura, asin maninigong ilaog an mga total sa pormang Literature Inventory (S-18). Maninigong kuanon sa (mga) lingkod na nag-aasikaso kan magasin an total na kabilangan nin mga magasin na nasa istak. An imbentaryo maninigong direhiran kan sekretaryo kan nagkokoordinar na kongregasyon. Sia asin an nangengenot na paraataman kan nagkokoordinar na kongregasyon an mapirma sa porma. Maresibi an lambang nagkokoordinar na kongregasyon nin tolong pormang Literature Inventory (S-18) kaiba kan kuenta kan Hunyo. Ipadara tabi an orihinal sa sangang opisina dai malihis sa Setyembre 6. Magsaray nin kopya para sa saindong mga file. Puedeng gamiton na work sheet an ikatolong kopya.
◼ Makukuang Bagong Compact Disc:
Watchtower Library—2005 sa CD-ROM—Ingles