Repaso sa Teokratikong Paadalan sa Pagmiministro
An minasunod na mga hapot pag-oolayan sa Teokratikong Paadalan sa Pagmiministro durante kan semana poon Oktubre 30, 2006. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Setyembre 4 sagkod Oktubre 30, 2006. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Taano ta importante an marahay na tindog kun nagpapahayag, asin paano niato mababawasan an satong kahaditan? [be p. 135 par. 5–p. 137 par. 2 asin mga kahon]
2. Kun hinahapot manongod sa satong mga tinutubod, taano ta maninigo niatong hingoahon na gamiton an Biblia kun nagsisimbag? [be p. 143 par. 1-3]
3. Paano kita magigin mas tuodan sa paggamit kan Biblia? [be p. 144 asin kahon]
4. Taano an parateng paggamit kan Biblia ta importante kun nagtotokdo kita sa ministeryo, asin paano kita makakapag-enkaminar na gamiton iyan sa mga pagtiripon kan kongregasyon? [be p. 145-6 asin mga kahon]
5. Ano an duwang obheto niato kun iniintrodusir an sarong teksto? [be p. 147 par. 2]
ASIGNASYON NUM. 1
6. Anong buhay na mensahe an yaon sa Salmo? [si-E p. 104 par. 23]
7. Kasuarin isinurat asin kinompilar an Talinhaga? [si-E p. 107 par. 5]
8. Ano an talinhaga, asin taano ta angay an titulong Hebreo kan libro? [si-E p. 107 par. 6]
9. Sa Talinhaga 2:1-5, ano an ipinapakahulogan kan pag-enkaminar na padagos na hanapon an kaaraman, pakasabot, asin pakabatid “siring baga sa pirak, asin siring baga sa natatagong kayamanan”? [be p. 38 par. 4]
10. Paano ihinahayag kan libro nin Talinhaga mismo an kapakipakinabang na katuyohan kaiyan? [si-E p. 109 par. 19]
SEMANAL NA BABASAHON SA BIBLIA
11. Paano ni David ‘pinakalma asin pinatoninong an saiyang kalag siring sa omboy na binutas sa suso kan saiyang ina,’ asin paano niato sia maaarog? (Sal. 131:1-3)
12. Anong karangahan an makukua sa ipinasabong na mga tataramon sa Salmo 139:7-12?
13. Ano an nagkapirang halimbawa kan kadakulaan ni Jehova na nasambitan sa Salmo 145 na huli kaiyan maoomaw niato sia sa satong mga pamibi asin pampublikong ministeryo? (Sal. 145:3)
14. Sa anong paagi “kapinonan nin kaaraman” asin “kapinonan nin kadonongan” an pagkatakot ki Jehova? (Tal. 1:7; 9:10)
15. Sa Talinhaga 7:1, 2, ano an kaiba sa “sakong mga tataramon” asin “sakong mga togon”?