Mga Paisi
◼ Alok sa Enero: Puedeng ialok an arin man sa 192-pahinas na libro na ipinublikar bago kan 1991. Kun an kongregasyon nindo mayo kan arin man sa haloy nang mga librong ini, ialok an librong Kaaraman o an brosyur na Magdanay Kamong Mapagbantay! Pebrero: Ialok an librong Rumani ki Jehova. Kun mayo kamo nin istak kan librong ini, puede nindong ialok an librong Kaaraman o arin man sa haloy nang publikasyon. Marso: Itampok an librong Itinotokdo kan Biblia asin maghingoa nin maigot na makapoon nin mga pag-adal sa Biblia. Abril asin Mayo: Iaalok an mga kopya kan An Torrengbantayan asin Awake! Kun nagdadalaw liwat sa mga interesado, pati sa mga nag-atender sa Memorial alagad an mga ini dai aktibong nakikiasosyar sa kongregasyon, hingoahon na makapasakamot kan librong Itinotokdo kan Biblia na may pasohan na makapoon nin pag-adal sa Biblia.
◼ Maninigong gumibo an mga kongregasyon nin mga areglo sa pagselebrar kan Memorial ngonyan na taon sa Lunes, Abril 2, 2007, pagkasolnop kan saldang. Minsan ngani an pahayag puedeng magpoon nin mas amay, an pagpasa kan mga emblema kan Memorial dai maninigong magpoon sagkod na dai pa nakasolnop an saldang. Dawa ngani mamawoton kan lambang kongregasyon na magkaigwa nin sadiri kaiyan na selebrasyon kan Memorial, tibaad ini bako pirmeng posible. Sa mga lugar na nagkapirang kongregasyon an dati nang naggagamit nin sasarong Kingdom Hall, tibaad an saro o labi pang kongregasyon puedeng kumua nin ibang pasilidad na magagamit para sa bangging iyan. Kun posible, isinusuherir mi an kisuerra 40 minutos na pag-oltanan kan mga programa tanganing an gabos makinabang nin lubos sa okasyon.
◼ An espesyal na pampublikong pahayag para sa 2007 itatao sa Domingo, Abril 15, 2007. Iaanunsiar sa dai mahaloy an tema kan pahayag. An mga kongregasyon na dinadalaw kan paraataman sa sirkito o may asamblea sa katapusan kan semanang iyan, magkakaigwa kan espesyal na pahayag sa masunod na semana. Mayo nin kongregasyon na maninigong magkaigwa kan espesyal na pahayag bago Abril 15.
◼ Poon sa Marso 2007, an bagong pampublikong pahayag para sa mga paraataman sa sirkito iyo an “Ano an Saindong Kamugtakan sa Atubangan nin Dios?”
◼ Pag-oolayan an video na Young People Ask—What Will I Do With My Life? sa Pagtiripon sa Paglilingkod sa Abril. Kun kaipuhan, maninigong magpedido kaini paagi sa kongregasyon.
◼ Maninigong seguradohon kan mga sekretaryo kan kongregasyon na igwa sinda nin pioneer appointment letter (S-202) para sa lambang regular payunir sa kongregasyon. Kun mayo sinda, maninigo nindang paisihon an sangang opisina paagi sa pagsurat.
◼ Makukuang Bagong Publikasyon:
Pocket Softcover na Edisyon kan New World Translation of the Holy Scriptures—Ingles (Igwa nin itom o maroon.)