Mga Paisi
◼ Alok sa Marso: Itampok an librong Itinotokdo kan Biblia asin maghingoa nin maigot na makapoon nin mga pag-adal sa Biblia. Abril asin Mayo: Iaalok an mga kopya kan An Torrengbantayan asin Awake! Kun nagdadalaw liwat sa mga interesado, pati sa mga nag-atender sa Memorial alagad an mga ini dai aktibong nakikiasosyar sa kongregasyon, hingoahon na makapasakamot kan librong Itinotokdo kan Biblia na may pasohan na makapoon nin pag-adal sa Biblia. Hunyo: Iaalok an librong Kaogmahan nin Pamilya.
◼ Sinasadol niamo an gabos na nagpaplanong mag-auxiliary payunir sa Abril na gumibo na nin mga plano ninda ngonyan asin itao nin amay an saindang aplikasyon. Tatabangan kaini an kamagurangan na gumibo nin kinakaipuhan na mga areglo sa paglilingkod sa langtad asin magkaigwa nin supisyenteng mga magasin na magagamit ninda. Maninigong ianunsiar sa kongregasyon an ngaran kan mga aprobado bilang auxiliary payunir tanganing maenkaminar an iba na estudyaran an pag-iba sa sainda sa espesyal na bulan na ini nin aktibidad.
◼ An gabos ineenkaminar na basahon an mga kabtang kan Biblia na nakaiskedyul sa 2007 Calendar asin Pagsiyasat sa Kasuratan Aroaldaw, na mapoon sa Mierkoles, Marso 28 asin magpapadagos sagkod sa Martes, Abril 3, 2007. Ini nagtotokar kan mga pangyayari durante kan ultimong mga aldaw ni Jesus digdi sa daga poon Nisan 9 sagkod 14, 33 C.E.
◼ Sa pag-audit kan kuenta ngonyan na bulan na iinanunsiar sa An Satong Ministeryo sa Kahadean na Pebrero, seseguradohon kan nangengenot na paraataman na an audit kokobrehan an mga bulan nin Disyembre, Enero, asin Pebrero.—Helingon an Instructions for Congregation Accounting (S-27).
◼ Maninigong iluwas kan mga kongregasyon an pinakabagong mga isyu kan An Torrengbantayan asin Awake! pagkaresibi tolos kaiyan. Matatawan kaini nin panahon an mga parahayag na magin pamilyar sa mga laog bago ialok an mga magasin sa paglilingkod sa langtad. An Satong Ministeryo sa Kahadean maninigo man na iluwas pag-abot tolos kaiyan. Puede iyan na idistribwir paagi sa Pag-adal sa Libro kan Kongregasyon.
◼ Kun nagpaplano kamong magbiahe asin umatender sa mga pagtiripon kan kongregasyon, sa sarong asamblea, o sa sarong pandistritong kombension sa ibang nasyon, an paghagad nindo nin impormasyon mapadapit sa mga petsa, oras, asin lugar dapat na ipadara sa sangang opisina na nangangataman kan gibohon sa nasyon na iyan. An adres kan mga sangang opisina nakalista sa huring pahina kan pinakabagong Yearbook.
◼ Makukuang Bagong Publikasyon:
New World Translation of the Holy Scriptures (Edisyon na softcover)—Cebuano