Mga Paisi
◼ Alok sa Abril asin Mayo: Iaalok an mga kopya kan An Torrengbantayan asin Awake! Kun nagdadalaw liwat sa mga interesado, pati sa mga nag-atender sa Memorial alagad an mga ini dai aktibong nakikiasosyar sa kongregasyon, hingoahon na makapasakamot kan librong Itinotokdo kan Biblia na may pasohan na makapoon nin pag-adal sa Biblia. Hunyo: Iaalok an librong Kaogmahan nin Pamilya. Hulyo asin Agosto: Puedeng ialok an arin man sa mga brosyur.
◼ An 2006 na mga tomo kan Watchtower asin Awake! makukua sa dai na mahahaloy asin puede nang pedidohon ngonyan. Girumdomon na ini special-request items asin maninigo sanang pedidohon kun igwa nin espesipikong pedido hale sa mga parahayag para kaini. Kun dai pa nag-abot an mga tomo pagkaresibi kan mga pedido, iyan ipapaheling bilang “back-ordered” asin ipapadara tolos an mga tomo pagkaresibi kaiyan hale sa Brooklyn.
◼ An sangang opisina dai nagtatao nin mga pedido para sa literatura kan mga indibiduwal. Maninigong iareglo kan nangengenot na paraataman na gumibo nin paisi kada bulan bago ipadara sa sangang opisina an bulanan na pedido para sa literatura kan kongregasyon tanganing an gabos na interesadong kumua nin personal na mga literatura puedeng paaramon an tugang na nag-aasikaso kan literatura manongod sa pepedidohon ninda. Girumdomon tabi kun arin na mga publikasyon an special-request items.
◼ Bilang pagirumdom, an adres kan sangang opisina dai noarin man maninigong gamiton sa ano man na personal na surat. Kaiba digdi an gabos na surat asin literatura na ipinapadara sa koreo tangani na magpatotoo sa mga interesado na nag-iistar sa masakit maabot na mga lugar. Puedeng booton nin sarong parahayag na gamiton an saiyang personal na adres, huling kalabot sa saiyang ministeryo an saiyang personal na paglilingkod sa Dios. (Mat. 28:19, 20; Roma 10:14, 15) Minsan siring, kun sa pagmate nia bakong madonong na gamiton an saiyang sadiring adres kun nagpapatotoo paagi sa koreo, puede niang gamiton an saiyang ngaran asin an adres kan Kingdom Hall.—Helingon an “Hapot” sa An Satong Ministeryo sa Kahadean na Mayo 2002.