Mga Paisi
◼ Alok sa Mayo: Iaalok an mga kopya kan An Torrengbantayan asin Awake! Kun nagdadalaw liwat sa mga interesado, pati sa mga nag-atender sa Memorial alagad an mga ini dai aktibong nakikiasosyar sa kongregasyon, hingoahon na makapasakamot kan librong Itinotokdo kan Biblia na may pasohan na makapoon nin pag-adal sa Biblia. Hunyo: Iaalok an librong Kaogmahan nin Pamilya. Hulyo asin Agosto: Puedeng ialok an arin man sa mga brosyur.
◼ Sa masunod na pirang bulan ipapadara niamo saindo an mga porma na kakaipuhanon nindo sa kongregasyon durante kan madatong na taon nin paglilingkod. Kun igwa nin iba pang porma na kakaipuhanon nindo, puede ining pedidohon sa dating paagi, na ginagamit an Literature Request Form (S-14). Ipapadara an mga pormang ini na daing bayad, alagad mayong duwa-duwa na gugustohon kan mga kongregasyon na magtao nin rasonableng kontribusyon sa pambilog na kinaban na gibohon tangani na makatabang sa mga gastos sa pag-imprenta asin pagpadara. Mangnohon tabi na an mga badge card para sa mga Pandistritong Kombension sa 2007 iiiba sa mga porma na ipapadara, kaya dai na kaipuhan na pedidohon ini apuera sana kun maheling nindo na bakong supisyente an bilang na ipinadara niamo saindo. Minsan siring, kaipuhan nindong pedidohon an mga celluloid badge holder sa dating Literature Request Form (S-14).
◼ Maninigong repasohon kan mga grupo nin kamagurangan an surat na Hulyo 6, 2006 mapadapit sa pagigin andam kun may kalamidad asin seguradohon na igwa sinda nin pinakabagong impormasyon kun paano kokontakon an lambang parahayag. Makakatabang kun papaisihon kan mga parahayag an saindang paraataman sa Pag-adal sa Libro kan Kongregasyon o an ibang magurang sa kongregasyon kun sinda mayo sa kongregasyon sa halawig na panahon, arog baga kun mabiahe tangani na magbakasyon o huli sa transaksion sa negosyo, nasa ospital, asin iba pa.
◼ An materyales para sa mga pahayag na nagtotokdo na basado sa “All Scripture Is Inspired of God and Beneficial” na totokaron sa taon na ini sa Teokratikong Paadalan sa Pagmiministro ipinublikar na bilang sarong brosyur para sa kapakinabangan kan gabos na kongregasyon sa Bicol, Hiligaynon, Pangasinan, asin Samar-Leyte. An brosyur na iyan may titulong “An Gabos na Kasuratan”—Totoo Asin Kapakipakinabang asin bsi an simbolo kaiyan. Nagpadara na nin supisyenteng suplay kaini tanganing may magamit na kopya an lambang parahayag.
◼ Makukuang Bagong DVD:
Organized to Share the Good News asin Whole Association of Brothers—On DVD—Ingles (Duwang video na nasa sarong DVD. An enot na video rebisyon kan video na Jehovah’s Witnesses—The Organization Behind the Name.)