Repaso sa Teokratikong Paadalan sa Pagmiministro
An minasunod na mga hapot pag-oolayan sa Teokratikong Paadalan sa Pagmiministro durante kan semana poon Hunyo 25, 2007. Pamamayohan kan paraataman sa paadalan an 30 minutos na repaso basado sa mga tinokar sa mga asignasyon para sa mga semana nin Mayo 7 sagkod Hunyo 25, 2007. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Kun nagtataram, ano an magigibo niato na makakatabang na mainaan an tension tanganing magrahay an kualidad kan satong boses? [be p. 185 par. 1-3]
2. Paano kita magigin “gabos na bagay sa gabos na klase nin tawo” sa satong ministeryo? (1 Cor. 9:20-23) [be p. 186 par. 2-4]
3. Paano niato maaarog an halimbawa ni Jehova sa paghinanyog sa iba? (Gen. 18:23-33; 1 Ha. 22:19-22) [be p. 187 par. 1-2, 5]
4. Sa anong praktikal na mga paagi matatabangan niato an iba na umoswag sa espirituwal? [be p. 187 par. 6–p. 188 par. 3]
5. Taano ta maninigo kitang magin interesado manongod sa pagpaheling nin paggalang sa iba? [be p. 190 par. 3 asin kahon]
ASIGNASYON NUM. 1
6. Taano ta dapat niatong hingoahon na mataros an puso kan mga tinotokdoan niato? [be p. 59 par. 1]
7. Ano an epekto kan satong halimbawa sa mga tinotokdoan niato? [be p. 60 par. 4]
8. Paano niato mapapaoswag an satong abilidad sa pakikipag-olay sa laog kan harong? [be p. 62 par. 3]
9. Anong halimbawa nin kaigotan na may kosog nin boot an manonompongan niato ki propeta Jeremias? [si-E p. 129 par. 36]
10. Anong kompiansa an ipinapahayag kan Lamentacion, pero taano ta kapakipakinabang iyan sa pagpaheling kan pagigin magabat kan mga paghokom nin Dios sa mga marigsok? [si-E p. 132 par. 13]
SEMANAL NA BABASAHON SA BIBLIA
11. Kaoyon kan eksperyensia ni Jeremias na sinabi sa Jeremias 37:21, anong pag-asegurar an puedeng mapasato?
12. Taano ta posibleng sinabi ni Baruc na ‘dinugangan ni Jehova nin kamondoan an saiyang kakologan,’ na dahelan na sia ‘mapagal,’ asin ano an enot na reaksion ni Baruc sa problemang iyan? (Jer. 45:1-5)
13. Kasuarin dai na pinag-istaran an Babilonya, na nagin “mapungaw na kahiwasan sa kabilogan nia”? (Jer. 50:13)
14. Anong prinsipyo mapadapit sa pamibi an liniwanag sa Lamentacion 3:8, 9, 42-45?
15. Ano an ilinaladawan kan karuwahe na sinabi sa Ezequiel kapitulo 1?