Mga Paisi
◼ Alok sa Hulyo asin Agosto: Puedeng ialok an arin man sa mga brosyur; minsan siring, marahay na pirmeng darahon an brosyur na Kahagadan tanganing magkaigwa nin oportunidad na makapoon nin mga pag-adal sa Biblia. Setyembre: Ano Man Nanggad an Itinotokdo kan Biblia? Gumibo nin espesyal na paghihingoa na makapoon nin mga pag-adal sa Biblia sa enot na pagdalaw. Kun an mga kagharong igwa na kan publikasyon na ini, ipaheling kun paano sinda makikinabang dian paagi sa halipot na pagdemonstrar nin pag-adal sa Biblia. Oktubre: Mga magasin na An Torrengbantayan asin Awake! Kun may ipinaheling na interes, ipresentar asin ipakipag-olay an pulyetong Ano Gusto Nindong Makaaram Pa nin Orog Manongod sa Biblia? na may katuyohan na makapoon nin pag-adal sa Biblia.
◼ Sa Sabado, Agosto 25, 2007, magkakaigwa nin pangkagabsan na paglinig sa Erokan na Bethel sa Quezon City, kaya an opisina serado sa agang iyan asin daing pagpasyar sa aldaw na iyan. An resepsion para sa literatura serado man sa agang iyan.
◼ Mantang an Setyembre may limang Sabado asin limang Domingo, iyan marahayon na bulan na mag-auxiliary payunir.
◼ Poon sa enot na semana nin Setyembre, an mga paraataman sa sirkito matao kan pampublikong pahayag na may temang “An Bagong Kinaban nin Dios—Siisay an Makukualipikar na Lumaog Dian?”
◼ Maninigong gibohon an taonan na imbentaryo kan gabos na literatura asin magasin na nasa istak sa Agosto 31, 2007 o sa petsang pinakaharani dian na mapupuede. An imbentaryong ini kapareho kan aktuwal na pagbilang na ginigibo nin bulanan kan nagkokoordinar kan literatura, asin maninigong ilaog an mga total sa pormang Literature Inventory (S-18). Maninigong kuanon sa (mga) lingkod na nag-aasikaso kan magasin an total na bilang nin mga magasin na nasa istak. An imbentaryo maninigong direhiran kan sekretaryo kan nagkokoordinar na kongregasyon. Sia asin an nangengenot na paraataman kan nagkokoordinar na kongregasyon an mapirma sa porma. Maresibi an lambang nagkokoordinar na kongregasyon nin tolong pormang Literature Inventory kaiba kan mga ipapadara sa Hunyo. Ipadara tabi an orihinal sa sangang opisina dai malihis sa Setyembre 6, 2007. Magsaray nin kopya para sa saindong mga file. Puedeng gamiton na work sheet an ikatolong kopya.
◼ Makukuang Bagong Compact Disc:
Watchtower Library—2006 na Edisyon sa CD-ROM