Repaso sa Teokratikong Paadalan sa Pagmiministro
An minasunod na mga hapot pag-oolayan sa Teokratikong Paadalan sa Pagmiministro durante kan semana poon Agosto 27, 2007. Pamamayohan kan paraataman sa paadalan an 30 minutos na repaso basado sa mga tinokar sa mga asignasyon para sa mga semana nin Hulyo 2 sagkod Agosto 27, 2007.
MGA KUALIDAD SA PAGTARAM
1. Paano niato ikakapaheling an paggalang sa iba sa satong ministeryo asin sa kongregasyon? [be p. 192 par. 2-4]
2. Ano an mahalagang marhay tanganing maheling sa sato an pagigin kombensido kun kita nagtataram? [be p. 196 par. 1-3]
3. Ano an nagkapirang suhestion na matabang sa sato na magin mataktika kun naghuhulit sa iba? [be p. 197 par. 5–p.198 par. 4]
4. Sa anong paagi na kalabot sa pagigin mataktika an pagpili kan angay na oras kun naghuhulit sa iba? (Tal. 25:11) [be p. 199 par. 1-3]
5. Paano niato mapapagdanay na positibo an tono kan satong mga pahayag? [be p. 203 par. 3–p. 204 par. 1]
ASIGNASYON NUM. 1
6. Ano an puedeng sabihon manongod sa pagigin kagsurat ni Ezequiel saka sa pagigin akseptado bilang kabtang kan Biblia asin pagigin totoo kan libro nin Ezequiel? [si-E p. 133 par. 3]
7. Ano an sarong kualidad na kaipuhan tanganing matagalan nin sarong tawo an inhustisya? [w05 6/1 p. 29 par. 4]
8. Ano an manonodan niato sa simbag ni Jesus sa mga Saduceo na naghapot sa saiya manongod sa pagkabuhay liwat? (Luc. 20:37, 38) [be p. 66 par. 4]
9. Kun maghapot an sarong inaadalan sa Biblia o kapagtubod kun ano an maninigo niang gibohon sa sarong espesipikong situwasyon, paano kamo maninigong sumimbag? [be p. 69 par. 4-5]
10. Ano an kalabot sa pagigin “bago sa puersa na nagpapahiro sa saindong isip”? (Efe. 4:23) [be p. 74 par. 4]
SEMANAL NA BABASAHON SA BIBLIA
11. Sa Ezequiel 9:2-4, siisay an irinerepresentar kan lalaking nakasulot nin lino, asin ano an ipinaparisa kan ‘tanda sa angog’? [w88 10/1 p. 12 par. 18]
12. Sa anong paagi na an mga namomoon sa relihion kan Kakristianohan arog kan “mangmang na mga propeta, na nagsusunod [kaidto] sa saindang sadiring espiritu,” na ilinaladawan sa Ezequiel 13:3? [w99 10/1 p. 13]
13. Sa pagpahayag kan “matalinhagang kasabihan” na nakarekord sa Ezequiel 18:2, ano an pinoprobaran na gibohon kan mga Israelita, asin anong mahalagang leksion manongod sa pagkaigwa nin paninimbagan an idinodoon? [w88 10/1 p. 16 par. 10]
14. Sa anong sentido na si Ezequiel nagin “pula” durante kan panahon na salikopan asin laglagon an Jerusalem? (Eze. 24:27; 33:22) [w03 12/1 p. 29]
15. Siisay si “Gog kan daga nin Magog,” asin noarin sia mahiro tanganing laglagon an banwaan ni Jehova? (Eze. 38:2, 16) [w97 3/1 p. 14 par. 1–p. 15 par. 3]