Tawan Nindo nin Atension Kun Paano Kamo Naghihinanyog

An pagtao nin maingat na atension mahalagang marhay kun nag-aatender sa mga pandistritong kombension. (Luc. 8:18) Paano nindo mapapaoswag an saindong abilidad sa paghinanyog?

◼ Likayan an pagkakan nin dakol bago an mga sesyon.

◼ Mamibi para sa tabang na ikasentro an saindong atension sa programa.

◼ Ituruhok an saindong mga mata sa ispiker.

◼ Gumibo nin haralipot na nota kan pangenot na mga punto.

◼ Helingon an mga teksto na binabasa.

◼ Horophoropon an impormasyon na ipinepresentar.

◼ Mag-isip nin mga paagi na magagamit an nadadangog nindo.

◼ Ipakipag-olay sa iba an nanodan nindo pagkatapos kan mga sesyon.

Helingon an Makinabang sa Edukasyon sa Teokratikong Paadalan sa Pagmiministro, pahina 13-16.