Mga Paisi
◼ Alok sa Enero: Puedeng ialok an arin man sa 192 na pahinang libro na ipinublikar bago 1991. An mga kongregasyon na mayo kan mga librong ini puedeng mag-alok kan librong Kaaraman (kun igwa) o kan brosyur na Magdanay Kamong Mapagbantay! Pebrero: Puedeng ialok an librong Life—How Did It Get Here? By Evolution or by Creation? o an librong Kaogmahan nin Pamilya. Marso: Ano Man Nanggad an Itinotokdo kan Biblia? Maghingoa nin maigot na makapoon nin mga pag-adal sa Biblia. Abril asin Mayo: An pampublikong edisyon kan An Torrengbantayan kaiba kan Awake! Kun nagdadalaw liwat sa mga interesado, magkonsentrar sa pagpoon nin mga pag-adal sa Biblia na ginagamit an librong Itinotokdo kan Biblia.
◼ Mantang an Marso igwa nin limang Sabado asin limang Domingo, iyan marahayon na bulan na mag-auxiliary payunir.
◼ Mantang an Abril asin Mayo espesyal na mga bulan para sa pagdistribwir nin mga magasin asin dakol an ma-auxiliary payunir durante kan mga bulan na iyan, maninigong planohon kan paraataman sa paglilingkod asin kan tugang na nag-aasikaso kan magasin an pagpedido nin dugang pang mga magasin para sa kampanya. Ipadara tabi an saindong espesyal na mga pedido sa Pebrero 15, 2008. Seseguradohon kaini na mareresibi nindo an dugang pang mga magasin kadungan kan saindong regular na bulanan na pedido. Kun nagpepedido, gamiton an bagong M-202 Magazine Request Form na may petsang 6/07 sa irarom kan titulong “Specific Magazine Issues.”
◼ Maninigong gumibo an mga kongregasyon nin mga areglo sa pagselebrar kan Memorial ngonyan na taon sa Sabado, Marso 22, 2008, pagkasolnop kan saldang. Minsan ngani an pahayag puedeng magpoon nin mas amay, an pagpasa kan mga emblema kan Memorial dai maninigong magpoon sagkod na dai pa nakasolnop an saldang. Dawa ngani mamawoton kan lambang kongregasyon na magkaigwa nin sadiri kaiyan na selebrasyon kan Memorial, tibaad ini bako pirmeng posible. Sa mga lugar na nagkapirang kongregasyon an dati nang naggagamit nin sasarong Kingdom Hall, tibaad an saro o labi pang kongregasyon puedeng kumua nin ibang pasilidad na magagamit para sa bangging iyan. Kun posible, isusuherir mi an kisuerra 40 minutos na pag-oltanan kan mga programa tanganing an gabos makinabang nin lubos sa okasyon.
◼ An espesyal na pampublikong pahayag para sa 2008 itatao durante kan semana na mapoon sa Marso 31, 2008, na nangangahulogan na gigibohon iyan sa kadaklan na kongregasyon sa Abril 6, 2008. An tema kan pahayag iyo an “Siisay an Kualipikadong Mamahala sa Katawohan?” An mga kongregasyon na dinadalaw kan paraataman sa sirkito o may asamblea sa katapusan kan semanang iyan, magkakaigwa kan espesyal na pahayag sa masunod na semana. Mayo nin kongregasyon na maninigong magkaigwa kan espesyal na pahayag bago Marso 31.
◼ Sa pagdalaw sa mga kongregasyon poon sa Marso 2008, an bagong pampublikong pahayag para sa mga paraataman sa sirkito iyo an “Saen Kamo Makakakua nin Tabang sa mga Panahon nin Kasakitan?”
◼ Poon sa semana nin Agosto 4, 2008, pag-aadalan nin mga kongregasyon na Cebuano, Iloko, asin Tagalog an Live With Jehovah’s Day in Mind sa Pag-adal sa Libro kan Kongregasyon. Pag-aadalan nin mga kongregasyon na Bicol, Hiligaynon, Pangasinan, asin Samar-Leyte An Sekreto sa Kaogmahan nin Pamilya poon sa petsang iyan.