Mga Paisi
◼ Alok sa Marso: Ano Man Nanggad an Itinotokdo kan Biblia? Maghingoa nin maigot na makapoon nin mga pag-adal sa Biblia. Abril asin Mayo: An pampublikong edisyon kan An Torrengbantayan kaiba kan Awake! Kun nagdadalaw liwat sa mga interesado, magkonsentrar sa pagpoon nin mga pag-adal sa Biblia na ginagamit an librong Itinotokdo kan Biblia. Hunyo: Ano Man Nanggad an Itinotokdo kan Biblia? Maghingoa nin maigot na makapoon nin mga pag-adal sa Biblia.
◼ An saro na inasignaran kan nangengenot na paraataman maninigong i-audit an kuenta kan kongregasyon para sa mga bulan nin Disyembre, Enero, asin Pebrero. Dai maninigong gamiton sa sunod-sunod na pag-audit an iyo man sanang tawo. Kun tapos na an pag-audit, maninigong ianunsiar ini sa kongregasyon pakatapos basahon an masunod na report sa kuenta.—Helingon an Instructions for Congregation Accounting (S-27).
◼ Ipinapagirumdom sa gabos na basahon an isinuherir na mga kabtang kan Biblia na nakaiskedyul sa 2008 Calendar asin sa Pagsiyasat sa Kasuratan Aroaldaw, na mapoon sa Lunes, Marso 17 asin mapadagos sagkod sa Domingo, Marso 23, 2008.
◼ Sinasadol niamo an gabos na nagpaplanong mag-auxiliary payunir sa Abril na gumibo na nin mga plano ninda ngonyan asin itao nin amay an saindang aplikasyon. Makakatabang ini sa kamagurangan na gumibo nin kinakaipuhan na mga areglo sa paglilingkod sa langtad asin magkaigwa nin supisyenteng mga magasin na magagamit ninda. Maninigong ianunsiar sa kongregasyon an ngaran kan mga aprobado bilang auxiliary payunir tanganing madagka an iba na pag-isipan an pag-iba sa sainda sa espesyal an bulan na ini nin aktibidad.
◼ An pinakatema para sa mga pandistritong kombension sa 2008 iyo an “Ginigiyahan kan Espiritu nin Dios.”
◼ Maninigong iluwas kan mga kongregasyon an pinakabagong mga isyu kan An Torrengbantayan asin Awake! pagkaresibi tolos kaiyan. Matao ini nin panahon sa mga parahayag na magin pamilyar sa mga laog bago ialok an mga magasin sa paglilingkod sa langtad.
◼ Makukuang Bagong DVD:
To the Ends of the Earth asin United by Divine Teaching—On DVD. (Duwang video na nasa sarong DVD)