Mga Paisi

◼ Alok sa Hunyo: Ano Man Nanggad an Itinotokdo kan Biblia? Maghingoa nin maigot na makapoon nin mga pag-adal sa Biblia. Hulyo asin Agosto: Puedeng ialok an arin man sa mga brosyur; minsan siring, marahay na pirmeng darahon an brosyur na Kahagadan tanganing magkaigwa nin oportunidad na makapoon nin mga pag-adal sa Biblia. Setyembre: Ano Man Nanggad an Itinotokdo kan Biblia? Gumibo nin espesyal na paghihingoa na makapoon nin mga pag-adal sa Biblia sa enot na pagdalaw. Kun an mga kagharong igwa na kan publikasyon na ini, ipaheling kun paano sinda puedeng makinabang dian paagi sa halipot sanang pagdemonstrar nin pag-adal sa Biblia.

◼ An nangengenot na paraataman o saro na inasignaran nia maninigong i-audit an kuenta kan kongregasyon para sa mga bulan nin Marso, Abril, asin Mayo. Dai maninigong gamiton sa sunod-sunod na pag-audit an iyo man sanang tugang. Kun tapos na an pag-audit, maninigong ianunsiar ini sa kongregasyon pakatapos na basahon an masunod na report sa kuenta asin an pasasalamat sa donasyon.​—Helingon an Instructions for Congregation Accounting (S-27).

◼ Mantang an Agosto igwa nin limang Sabado asin Domingo, iyan puedeng marahay na bulan para sa nagkapira na mag-auxiliary payunir.

◼ Irinerekomendar na an mga aplikasyon para sa pagregular payunir isumitir sa sangang opisina kisiera 30 aldaw bago kan isinurat na petsa nin pagpoon. Maninigong repasohon kan sekretaryo kan kongregasyon an mga porma tangani na seguradohon na kompleto iyan. Kun dai magirumdoman kan mga aplikante an eksaktong petsa kan saindang bautismo, maninigo nindang kalkulohon an petsa asin irekord iyan. Maninigong isurat kan sekretaryo an petsang ini sa Congregation’s Publisher Record (S-21) card.