Mga Paisi

◼ Alok sa Enero: Ialok an haloy nang mga libro na nasa saindong istak, arog kan mga librong Kaaraman, Mabuhay Sagkod Lamang, o Nagkakasararo sa Pagsamba. Pebrero: Ialok an saro sa minasunod na mga libro kun igwa, Is There a Creator Who Cares About You?, An Sekreto sa Kaogmahan nin Pamilya, o The Bible​—God’s Word or Man’s? Marso: Ano Man Nanggad an Itinotokdo kan Biblia? Abril asin Mayo: An mga magasin na An Torrengbantayan asin Awake!

◼ Maninigong gumibo an mga kongregasyon nin mga areglo sa pagselebrar kan Memorial ngonyan na taon sa Huebes, Abril 9, 2009, pakasolnop kan saldang. Dawa ngani mamawoton kan lambang kongregasyon na magkaigwa nin sadiri kaiyan na selebrasyon kan Memorial, tibaad bako ining pirmeng posible. Sa mga lugar na nagkapirang kongregasyon an dati nang naggagamit nin sasarong Kingdom Hall, tibaad an saro o labi pang kongregasyon puedeng kumua nin ibang pasilidad na magagamit para sa bangging iyan.

◼ An espesyal na pampublikong pahayag sa taon na ini itatao durante kan semana nin Abril 20, 2009, na nangangahulogan na gigibohon iyan sa kadaklan na kongregasyon sa Abril 26, 2009. An tema kan pahayag iyo an “Igwa daw nin Tunay na Relihion sa Pagheling nin Dios?” An mga kongregasyon na dinadalaw kan paraataman sa sirkito o may asamblea sa katapusan kan semanang iyan magkakaigwa kan espesyal na pahayag sa masunod na semana. Mayo nin kongregasyon na maninigong magkaigwa kan espesyal na pahayag na iyan bago an Abril 20.

◼ Sa pagdalaw sa mga kongregasyon poon sa Marso 2009, an bagong pampublikong pahayag kan paraataman sa sirkito iyo an “Isikwal an Kinabanon na mga Pantasia, Magmaigot Para sa Tunay na mga Bagay kan Kahadean.”