Repaso sa Teokratikong Paadalan sa Pagmiministro

An minasunod na mga hapot pag-oolayan sa Teokratikong Paadalan sa Pagmiministro durante kan semana poon Abril 26, 2010. Pamamayohan kan paraataman sa paadalan an 20 minutos na repaso basado sa mga reperensia na kinobrehan sa mga asignasyon para sa mga semana nin Marso 1 sagkod Abril 26, 2010.

1. Ano an boot sabihon ni Noemi sa ekspresyon na “si Jehova an nagpasupog sa sakuya asin an Makakamhan sa Gabos an nagtao sa sakuya nin kasakitan”? (Rut 1:21) [w05 3/1 p. 27 par. 1, 3]

2. Anong mga kualidad an nagpangyari ki Rut na magin “ekselenteng babae”? (Rut 3:11) [w05 3/1 p. 28 par. 7]

3. Paano nakapakosog sa saiyang agom an mga tataramon ni Elcana na “bako daw akong orog karahay sa saimo kisa sampulong aking lalaki”? (1 Sam. 1:8) [w90-E 3/15 p. 27 par. 5-6]

4. Taano ta sala na maghagad nin hade an Israel? (1 Sam. 8:5) [w05 9/15 p. 20 par. 17; it-2-E p. 163 par. 2

5. Paano pinatunayan ni Samuel, na “gurang na asin ubanon na,” na sia mismo arogan sa pamimibi para sa iba, asin ano an itinatampok kaini? (1 Sam. 12:2, 23) [w07 6/1 p. 29 par. 14-15]

6. Taano ta nagpaheling si Saul nin espesyal na konsiderasyon sa mga Quenita? (1 Sam. 15:6) [w05 3/15 p. 22 par. 10]

7. Ano an dahelan kan paghapot ni Saul ki David, “Nonoy, kiisay kang aki?” (1 Sam. 17:58) [w07 8/1 p. 31 par. 3, 5]

8. Ano an manonodan niato sa pag-asikaso ni David sa seryosong problema sa Gat? (1 Sam. 21:12, 13) [w05 3/15 p. 24 par. 4]

9. Paano naheling an pagkamoot asin kapakumbabaan ni Jonatan kan kinaipuhan niang tabangan asin parigonon an boot kan saiyang katood na si David? (1 Sam. 23:17) [lv p. 28 par. 10, nota sa ibaba]

10. Anong leksion an manonodan niato sa pakikipag-olay ni Saul sa espiritista sa En-dor? (1 Sam. 28:8-19) [w05 3/15 p. 24 par. 7]