Mga Paisi

◼ Alok sa Disyembre: The Greatest Man Who Ever Lived. Kun may mga aki sa harong, ialok an Makanood sa Dakulang Paratokdo. Enero: Ano Man Nanggad an Itinotokdo kan Biblia? Kun igwa na kan librong ini an mga kagharong, puedeng ialok kan mga parahayag an arin man na 192 na pahinang libro na ipinublikar bago kan 1995. Pebrero: Puedeng ialok An Sekreto sa Kaogmahan nin Pamilya o an The Bible—God’s Word or Man’s? Marso: Ano Man Nanggad an Itinotokdo kan Biblia?

◼ Kun mayo kamo sa saindong kongregasyon sa katapusan kan Disyembre huling maatender kamo sa pandistritong kombension, seguradohon na itao nindo an saindong report nin paglilingkod sa langtad sa saindong paraataman sa grupo bago kamo maghale. O, kun mabiahe kamo nin harayo, puede nindong iapod sa telepono o i-text an report nindo tanganing masierto na makakaiba an report nindo sa bulan na iyan.

◼ An saro na inasignaran kan parakoordinar kan grupo nin kamagurangan maninigong i-audit an kuenta kan kongregasyon para sa mga bulan nin Setyembre, Oktubre, asin Nobyembre. Helingon an Instructions for Congregation Accounting (S-27).

◼ Teksto kan Taon 2011: ‘Magpaili sa ngaran ni Jehova.’—Sofonias 3:12. Maninigong iareglo kan gabos na kongregasyon na ibugtak an bagong teksto kan taon sa saindang Kingdom Hall poon sa Enero 1, 2011.