Mga Paisi

◼ Alok sa Mayo: Mga magasin na An Torrengbantayan asin Awake! Kun may magpaheling nin interes, gamiton an pulyetong Gusto daw Nindong Maaraman an Katotoohan? asin maghingoang makapoon nin pag-adal sa Biblia. Kun nagdadalaw liwat sa mga nag-atender sa Memorial, magkonsentrar sa pagpoon nin pag-adal sa Biblia gamit an librong Itinotokdo kan Biblia. Hunyo: Ano Man Nanggad an Itinotokdo kan Biblia? Maghingoang makapoon nin pag-adal sa Biblia sa enot na pagdalaw. Kun igwa na kan librong ini an mga kagharong, an mga kongregasyon na may istak nin Kaaraman na Minagiya Pasiring sa Buhay na Daing Katapusan asin Worship the Only True God puedeng mag-alok kan arin man sa mga librong ini. Hulyo asin Agosto: Puedeng ialok an arin man sa mga brosyur. Minsan siring, marahay na itampok kun posible an bagong mga brosyur na Linalang daw an Buhay? asin The Origin of Life.

◼ Sa masunod na pirang bulan, ipapadara mi an mga porma na kakaipuhanon nindo para sa maabot na taon. Kun kaipuhan nindo an iba pang porma, puede ining pedidohon gamit an pormang Literature Request (S-14). Mangnohon tabi na an mga badge card para sa Pandistritong Kombension sa 2011 iiiba sa mga pormang ipapadara, kaya dai na kaipuhan na pedidohon ini apuera sana kun maheling nindo na bakong supisyente an ipinadara mi sa saindo. Minsan siring, an mga celluloid badge holder maninigong pedidohon kun kinakaipuhan.

◼ Bagong Compact Disc:

Sing to Jehovah—Vocal—on CD, Disc 2—Ingles (pagkanta nin koro kan 19 sa bagong mga awit)