Repaso sa Teokratikong Paadalan sa Pagmiministro

An minasunod na mga hapot totokaron sa Teokratikong Paadalan sa Pagmiministro durante kan semana poon Disyembre 26, 2011.

1. Paano makakatabang sa sato an konseho sa Talinhaga 30:32 na dai mapaanggot nin orog pa an sarong nakolgan niato? [w87-E 5/15 p. 30 par. 11]

2. Anong klaseng “kaogmahan” an minaresulta sana sa pagkadiskontento nin saro? (Par. 2:1) [g-E 4/06 p. 6 par. 1-2]

3. Minsan ngani iniisip nin nagkapira na an mga tataramon ni Salomon sa Parahulit 3:​1-9 nagsusuportar sa paniniwala sa kapaladan, paano iyan linilinaw kan isinurat nia sa Parahulit 9:​11, na nagpapaheling nanggad na an gabos na bagay sa buhay bakong dikta nin kapaladan? [w09-E 3/1 p. 4 par. 4]

4. Ano an peligro sa pagigin ‘labi-labi kabanal’ o kamatanos? (Par. 7:16) [w10 10/15 p. 9 par. 8-9]

5. Paano ipinaparisa kan Awit ni Salomon 2:7 na kadonongan para sa mga nagpaplanong mag-agom na dai maghidali sa pagpili nin magigin agom? [w06 11/15 p. 19 par. 1; w80-E 4/15 p. 19 par. 7]

6. Ano an kahulogan kan pananaram na ‘an mga ngabil kan Sulamita nagtotororo nin tangguli sa anira’ asin ‘may tangguli asin gatas sa irarom kan saiyang dila’? (Awit ni Sal. 4:11) [w06 11/15 p. 19 par. 6]

7. Ano an itinotokdo sa sato kan mga titulong ‘Makangangalas na Parahatol,’ “Makosog na Dios,” asin ‘Amang Daing Katapusan’ dapit sa mga kualidad ni Jesus saka sa pamamahala nia sa bagong kinaban? (Isa. 9:6) [w91-E 4/15 p. 5 par. 7]

8. Siisay ngonyan an ikakaagid sa “apostatang nasyon” nin Israel, asin siisay an maserbing “sogkod” ni Jehova na malaglag kaiyan? (Isa. 10:​5, 6) [ip-1-E p. 145 par. 4-5; p. 153 par. 20]

9. Taano ta pambihirang marhay an hula ni Isaias na an Babilonia “dai na sagkod [noarin pa man] pagoontokan,” asin ano an sinisierto sa sato ngonyan kan pagkaotob kaiyan? (Isa. 13:​19, 20) [g-E 11/07 p. 9 par. 4-5]

10. Kasuarin inako ni Jesus ‘an liabe kan harong ni David,’ asin paano nia ginagamit an liabeng iyan? (Isa. 22:22) [w09 1/15 p. 31 par. 2]