Mga Paisi

◼ Alok sa Hunyo: Ano Man Nanggad an Itinotokdo kan Biblia? Hingoahon na makapoon nin pag-adal sa Biblia sa enot na pagdalaw. Kun an mga kagharong igwa na kan libro asin habong mag-ako kan alok na pag-adal sa Biblia, an mga parahayag puedeng mag-alok nin haloy nang magasin o arin man na brosyur na makakapukaw sa interes kan tawo. Hulyo asin Agosto: Puedeng ialok an arin man sa mga brosyur. Kun nagdadalaw liwat, ipahiling an librong Itinotokdo kan Biblia o, kun mas angay depende sa pangangaipo kan kaolay, an brosyur na Magdangog sa Dios Asin Mabuhay nin Daing Katapusan, saka hingoahon na makapoon nin pag-adal sa Biblia. Setyembre asin Oktubre: An mga magasin na An Torrengbantayan asin Awake! Kun nagdadalaw liwat, ipahiling an librong Itinotokdo kan Biblia o an brosyur na Magdangog sa Dios Asin Mabuhay nin Daing Katapusan, saka hingoahon na makapoon nin pag-adal sa Biblia.

◼ Pag-oolayan an video na Our Whole Association of Brothers sa maabot na Pagtiripon sa Paglilingkod. Kun kaipuhan, dapat mag-request kaini paagi sa kongregasyon.

◼ Maninigong i-audit kan inasignaran kan parakoordinar kan grupo nin kamagurangan an kuenta kan kongregasyon para sa mga bulan nin Marso, Abril, asin Mayo.—Hilingon an Instructions for Congregation Accounting (S-27).

◼ Kun kaiba sa mga plano nindo sa pagbiahe an pag-atender sa pandistritong kombension sa ibang nasyon, makakakua kamo nin nakakatabang na impormasyon sa Web site na jw.org paagi sa pag-click kan link na Conventions sa irarom kan tab na Lookup.