Mga Paisi

◼ Alok sa Agosto: Puedeng ialok an arin man sa mga brosyur. Kun nagdadalaw liwat, ipahiling an librong Itinotokdo kan Biblia o, kun mas angay depende sa pangangaipo kan kaolay, an brosyur na Magdangog sa Dios Asin Mabuhay nin Daing Katapusan, saka pagmaigotan na makapoon nin pag-adal sa Biblia. Setyembre asin Oktubre: An mga magasin na An Torrengbantayan asin Awake! Kun nagdadalaw liwat, ipahiling an librong Itinotokdo kan Biblia o an brosyur na Magdangog sa Dios Asin Mabuhay nin Daing Katapusan, saka pagmaigotan na makapoon nin pag-adal sa Biblia. Nobyembre asin Disyembre: Puedeng ialok an arin man sa mga tract. Kun may magpahiling nin interes, pagmaigotan na makapoon nin pag-adal sa Biblia gamit an tract na Gusto daw Nindong Maaraman an Katotoohan?, o Madali Nang Matapos an Gabos na Pagdusa!

◼ Poon sa Setyembre, itatao kan mga paraataman nin sirkito an pampublikong pahayag na may temang “An Paglakaw Kaiba nin Dios Nagbubunga nin mga Bendisyon Ngonyan Asin Sagkod Lamang” kun nagdadalaw sa mga kongregasyon.

◼ Pasabot sa mga Sekretaryo: Maresibi an lambang kongregasyon nin duwang kopya kan Congregation Analysis Report (S-10). Isusurat kan sekretaryo kan kongregasyon nin tama asin malinig an hinahagad na impormasyon sa pormang ini, dangan maninigo iyan na beripikaron kan komite sa paglilingkod. Sa ibong na pahina kan porma ililista an gabos na regular payunir, kaiba an saindang total na oras para sa taon nin paglilingkod. Maninigong ipadara sa sangang opisina an orihinal kan pormang ini pag-abot nin Setyembre 6. Isaray an saro pang kopya sa saindong file.