Mga Paisi

◼ Alok sa Oktubre: An mga magasin na An Torrengbantayan asin Awake! Kun nagdadalaw liwat, ipahiling an librong Itinotokdo kan Biblia o an brosyur na Magdangog sa Dios Asin Mabuhay nin Daing Katapusan, saka pagmaigotan na makapoon nin pag-adal sa Biblia. Nobyembre asin Disyembre: Gamiton an saro sa minasunod na mga tract: Madali Nang Matapos an Gabos na Pagdusa!, Maogma sa Buhay Pampamilya, An Kinaban daw na Ini Magdadanay?, o What Hope for Dead Loved Ones? Kun magpahiling nin interes, pagmaigotan na makapoon nin pag-adal sa Biblia gamit an tract na Gusto daw Nindong Maaraman an Katotoohan? o an librong Itinotokdo kan Biblia. Enero asin Pebrero: Puedeng itampok kan mga parahayag an arin man sa minasunod na 32 pahinang mga brosyur: An Dios daw Talagang May Pagmakolog sa Sato?, What Is the Purpose of Life?, o Puede Kang Magin Katood nin Dios! Kun magpahiling nin interes, pagmaigotan na makapoon nin pag-adal sa Biblia gamit an arin man sa mga brosyur na ini. Kun nagdadalaw liwat, ipahiling an librong Itinotokdo kan Biblia asin pagmaigotan na magkaigwa nin regular na pag-adal sa Biblia.

◼ Puedeng liwaton an iskedyul nin pagtiripon sa semana bago an saindong pandistritong kombension tanganing marepaso an sadol asin mga pagirumdom manongod sa pag-atender sa kombension. Saro o duwang bulan pagkatapos kan saindong kombension, puedeng gamiton an kabtang na lokal na mga pangangaipo tanganing repasohon an mga punto sa kombension na nahiling kan mga parahayag na kapakipakinabang sa ministeryo.

◼ Siring kan irinekomendar sa insert kan An Satong Ministeryo sa Kahadean na Setyembre, darahon tabi sa kombension an natada nindong imbitasyon tanganing magamit sa impormal na pagpatotoo o itao sa saro sa mga attendant.