Mga Tampok sa Paglilingkod sa Langtad

Sa ibong kan pagpreparar asin pag-atender sa pangrehiyon na mga kumbensiyon kan Nobyembre, may bagong peak na 197,401 parahayag na nagreport. May peak man sa bilang nin mga libro asin video na naipasakamot, asin 37,379 regular payunir an nagreport. Malinaw na ginibo kan gabos an tema kan kumbensiyon na ‘hanapon nguna an Kahadian’ asin pinagdanay na ikaduwa sana an ibang bagay!