Kun Aki an Magluwas

Kun aki an magluwas sa harong, dapat ta siyang haputon kun yaon an saiyang mga magurang. Pagpapahiling ini nin paggalang sa pagkapayo ninda. (Tal 6:20) Kun palaugon kita kan aki, magsayuma kita. Kun dai puwedeng makaulay an mga magurang, magbalik na sana kita sa ibang panahon.

Kun an aki medyo adulto na, tibaad mga 15-19 anyos, marahay pa man giraray na hanapon ta an saiyang mga magurang. Kun dai sinda puwedeng makaulay, puwede ta siyang haputon kun tinutugutan siya kan mga magurang niya na pumili kan gusto niyang basahon. Kun iyo, puwede ta siyang alukan nin babasahon asin sabihon man an dapit sa jw.org.

Kun nagdadalaw liwat sa sarong hoben na nagpahiling nin interes, haputon ta siya kun puwedeng makaulay an mga magurang niya. Makakatabang ini para maipaliwanag ta an dahilan kan satong pagdalaw asin maipahiling sa sainda an mapagtitiwalaan asin masasarigan na mga sadol kan Bibliya dapit sa pamilya. (Sal 119:86, 138) An pagpapahiling niyato nin paggalang asin konsiderasyon sa mga magurang magigin marahay na patotoo. Puwede pa iyan magtao nin oportunidad na maipaabot ta an maugmang bareta sa pamilya kan nakaulay ta.—1Pe 2:12.