Ipag-ugma an Saindong Paglaom

An paglaom garo angkla. (Heb 6:19) Makakatabang iyan na dai kita maglubog sa espirituwal pag inabutan kita nin garo makusog na bagyo mantang nasa dagat. (1Ti 1:18, 19) Puwedeng kaiba sa makusog na bagyong iyan an pagkadisganar, pagkawara nin mga pagsasadiri, malalang hilang, pagkagadan nin mahal sa buhay, o ano pa man na puwedeng makaraot kan satong integridad.

Matatabangan kita kan pagtubod asin paglaom na mahiling nin malinaw an ipinanugang balos. (2Co 4:16-18; Heb 11:13, 26, 27) Kaya baga man sa langit o sa daga an satong paglaom, dapat na pirming magin buhay iyan sa satong isip paagi sa paghurop-hurop kan mga panugang nakarekord sa Tataramon nin Diyos. Paagi kaiyan, magigin mas madali sa sato na papagdanayon an satong kaugmahan dawa nasa masakit na mga kamugtakan.—1Pe 1:6, 7.

HILINGON AN VIDEO NA IPAG-UGMA AN PAGLAOM, DANGAN SIMBAGON AN MINASUNOD NA MGA HAPOT:

• Taano ta sarong marahay na arugan si Moises?

• Ano an paninimbagan kan mga payo nin pamilya?

• Anong mga topic an puwede nindong iiba para sa mga proyekto sa Pampamilyang Pagsamba?

• Paano makakatabang an paglaom para maatubang mong may kumpiyansa an mga pagbalo?

• Anong mga bagay an gustong-gusto mo nang mangyari?