Sunudon si Jesus na Igwa nin Tamang Motibo

6:9-11, 25-27, 54, 66-69

Kan magtao si Jesus nin sarong ilustrasyon na dipisil masabutan kan saiyang mga disipulo, nasingkog an iba asin habo nang magsunod sa saiya. Sarong aldaw pa sana bago kaiyan, milagroso sindang pinakakan ni Jesus, na nagpapatunay na an saiyang kapangyarihan hali sa Diyos. Kaya taano ta nasingkog sinda? Minalataw na makasadiri an motibo ninda sa pagsunod ki Jesus. Nagsusunod sinda ki Jesus huli sana sa materyal na pakinabang.

Dapat na haputon niyato an satong sadiri: ‘Taano ta sinusunod ko si Jesus? Panginot daw huli sa mga bendisyon ngunyan asin sa maabot? O huling namumutan ko si Jehova asin gusto ko siyang mapaugma?’

Taano ta puwede kitang masingkog kun naglilingkod kita ki Jehova panginot na huli sa minasunod na mga rason?

• Nauugma kitang makaibanan an mga lingkod nin Diyos

• Gusto tang mabuhay sa Paraiso