Tanda nin Bendisyon ni Jehova

8:6-9, 12; 9:1-5, 23, 24

Nagpaluwas si Jehova nin kalayo para tumtumon an kainot-inuting dulot na pigtututong kan bagong itinalagang Aaronikong pagkasaserdote. Ipinapahiling kaini na sinusuportaran asin inuuyunan ni Jehova an areglong ini. Kaya, dinagka ni Jehova an nagkatiripon na nasyon nin Israel na nakahiling kan pangyayari na lubos na suportaran an pagkasaserdote. Ngunyan, ginagamit ni Jehova an pinamuraway na si Jesu-Cristo bilang an mas nangungurog na Halangkaw na Saserdote. (Heb 9:11, 12) Kan 1919, ninombrahan ni Jesus an sadit na grupo nin linahidan na mga lalaki bilang “an maimbod asin mapagmansay na uripon.” (Mat 24:45) Ano an tanda na an maimbod na uripon binebendisyunan, sinusuportaran, asin inuuyunan ni Jehova?

• Sa ibong kan dai nagpupundong persekusyon, padagos kitang tinatawan kan maimbod na uripon nin espirituwal na kakanon

• Arog kan ihinula, an maugmang bareta ihinuhulit “sa bilog na kinaban.”—Mat 24:14

Paano niyato maitatao an satong lubos na pagsuporta sa maimbod asin mapagmansay na uripon?