Napapakusog kan mga Linalang an Satong Pagtitiwala sa Kadunungan ni Jehova

Pirmi daw aram ni Jehova kun ano an pinakamarahay sa sato? Siyempre iyo! Huling naniniwala kita diyan, nagpapahiling kita nin kadunungan pag sinusunod ta an saiyang mga pagbuot. (Tal 16:3, 9) Pero, puwedeng mabalo an pagtitiwala ta sa saiyang paggiya kun iba diyan an satong iniisip. Mapapakusog ta an satong pagtitiwala sa kadunungan ni Jehova paagi sa paghurop-hurop sa saiyang mga linalang.—Tal 30:24, 25; Ro 1:20.

HILINGON AN VIDEO NA MAY NAGDISENYO DAW KAINI? PAANO NALILIKAYAN KAN MGA TANGA AN TRAPIKO?, DANGAN SIMBAGON AN MINASUNOD NA MGA HAPOT:

• Ano an aroaldaw na ginigibo kan kadaklan na tanga?

• Paano nalilikayan kan mga tanga an trapiko?

• Ano an mga manunudan kan mga tawo sa mga ginigibo kan mga tanga pag nagraralakaw an mga iyan?

HILINGON AN VIDEO NA MAY NAGDISENYO DAW KAINI? AN KONTROLADONG PAGLAYOG KAN MGA ALIMBUBUYOG, DANGAN SIMBAGON AN MINASUNOD NA MGA HAPOT:

• Anong mga kadipisilan an naeeksperyensiyahan kan mga tawo pag nagpapalayog nin saradit na eroplano?

• Paano napapagdanay na kontrolado kan alimbubuyog an paglayog kaini sa ibong nin makusog na duros?

• Pag-abot nin panahon, paano puwedeng makinabang an mga tawo sa natural na kadunungan kan alimbubuyog?

Anong patunay kan kadunungan ni Jehova an nahiling nindo sa mga linalang sa saindong lugar?