Magtiwala na May Maimbod na Pagkamuot si Jehova sa Saimo

Mahalaga kang marhay ki Jehova. (Isa 43:4) Irinani ka niya sa saiya asin sa saiyang organisasyon. Dahil nagdusay ka asin nagpabawtismo, ki Jehova ka na. Aatamanon ka niya bilang saiyang espesyal na pagsadiri, dawa sa masakit na mga panahon. Papahilingan ka niya nin maimbod na pagkamuot paagi sa saiyang organisasyon.—Sal 25:10.

Mapapararom ta an satong pagpapahalaga sa maimbod na pagkamuot ni Jehova paagi sa paggirumdom kun paano nagresponde an saiyang organisasyon sa mga nakaagi pa sanang natural na mga kalamidad.

HILINGON AN VIDEO NA 2019 REPORT KAN COORDINATORS’ COMMITTEE, DANGAN SIMBAGON AN MINASUNOD NA MGA HAPOT:

• 

  Paano pig-andam kan Coordinators’ Committee an mga sangang opisina sa bilog na kinaban na magresponde sa mga kalamidad?

• 

  Paano nagtao an organisasyon ni Jehova nin mga instruksiyon asin ayuda sa Indonesia saka Nigeria?

• 

  Ano an napahalagahan mo sa pagresponde kan organisasyon sa COVID-19 na pandemya?