PEBRERO 19-25

SALMO 8-10

Kanta 2 Asin Pamibi | Introduksiyon (1 min.)

KAYAMANAN NA YAON SA TATARAMON NIN DIYOS

1. “Uumawon Taka, O Jehova”!

(10 min.)

Si Jehova marahayon nanggad sa sato (Sal 8:3-6; w21.08 3 ¶6)

Maugma tang inuumaw si Jehova paagi sa pagsabi sa iba manungod sa makangangalas niyang mga gibo (Sal 9:1; w20.05 23 ¶10)

Inuumaw ta man siya pag bilog na puso kitang nagkakanta sa saiya (Sal 9:2; w22.04 7 ¶13)

Collage: Mga paagi na puwede tang maumaw si Jehova. 1. Sarong may edad nang sister na nagpapatotoo sa sarong caregiver. 2. Mga tugang na nagkakanta sa sarong pagtiripon. 3. Sarong aking lalaki na nagtataas kan saiyang kamot para magkomento durante kan pagtiripon sa kongregasyon. 4. Sarong hoben na brother na nagtatabang sa paglinig kan Kingdom Hall. 5. Sarong hoben na sister na nagpapatotoo sa saiyang kaklase.

HAPUTON AN SADIRI, ‘Sa ano pang ibang mga paagi ko mauumaw si Jehova?’

2. Espirituwal na Kayamanan

(10 min.)

Sal 8:3—Ano an buot sabihon kan salmista kan sambiton niya an manungod sa mga muro nin Diyos? (it-1-TG 525)

An simbag mo
Anong espirituwal na mga kayamanan sa babasahon sa Bibliya sa semanang ini an gusto mong ihiras?

An simbag mo

3. Pagbasa sa Bibliya

(4 min.) Sal 10:1-18 (th leksiyon 11)

MAGIN ANDAM SA MINISTERYO

4. Pagpuon nin Pakikipag-ulay

(3 min.) PAGHARONG-HARONG. Sinabi kan kagharong na dai siya nagtutubod sa Diyos. (lmd leksiyon 5 punto 4)

5. Pagdalaw Liwat

(4 min.) IMPORMAL NA PAGPAPATOTOO. Sa nakaaging pag-uulay nindo, sinabi kan kaulay mo na dai siya nagtutubod sa Diyos, pero andam man siyang aramon an mga patunay na nagpapahiling na igwa nin Kaglalang. (th leksiyon 7)

6. Pahayag

(5 min.) w21.06 6-7 ¶15-18—Tema: Tabangan an Saimong mga Tinutukduan na Umawon si Jehova. (th leksiyon 10)

PAMUMUHAY BILANG KRISTIYANO

Kanta 10

7. Kun Paano Magpatotoo nin Impormal sa Natural na Paagi

(10 min.) Pagtukar.

An sarong paagi na mas mauumaw ta si Jehova iyo an pagpapatotoo sa mga nakakaulay ta sa aroaldaw. (Sal 35:28) Sa primero, tibaad nerbiyuson kita pag nagpapatotoo nin impormal. Alagad, pag nanudan ta na kun paano punan asin ipadagos an pakikipag-ulay sa natural na paagi, puwede kitang magin epektibo diyan asin ikaugma pa ngani iyan!

Sarong eksena sa video na “Magin Handa na Sabihon sa Iba an ‘Maugmang Bareta nin Katuninungan’—Gumibo nin Paagi Para Makapuon nin Pag-uulay.” Sarong sister na nagpuon na makipag-ulay sa sarong babayi na nasa kataid nindang lamesa sa sarong restawran.

I-play an VIDEO na Magin Handa na Sabihon sa Iba an “Maugmang Bareta nin Katuninungan”—Gumibo nin Paagi Para Makapuon nin Pag-uulay. Dangan ihapot:

Ano an nanudan mo sa videong ini na makakatabang saimo na magin mas epektibo sa impormal na pagpapatotoo?

An simbag mo

Ini an nagkapirang tips na makakatabang saimo kun paano makapuon nin pag-uulay:

Maghanap nin mga paagi para makapuon nin pakikipag-ulay sa kada maghali ka sa saimong harong. Ipamibi iyan asin hagadon ki Jehova na manumpungan mo an mga tawong sadiyosan an puso
Magin mainamigo asin magpahiling nin personal na interes sa mga tawong nakakaulay mo. Hinguwahon na aramon an nagkapirang bagay manungod sa kaulay mo na makakatabang saimo na maaraman kun anong mga katotoohan sa Bibliya an tibaad interesante sa saiya
Hinguwahon na makua an contact information niya asin maitao mo man an contact information mo, kun angay
Dai madisganar kun natapos an pag-uulay nindo na dai ka nakapagpatotoo
Isip-isipon an nakaulay mo. Padagos na magpahiling nin personal na interes paagi sa pag-send nin link nin sarong teksto sa Bibliya o sarong artikulo sa jw.org

Purbaran ini: Kun may maghapot saimo, ‘Kumusta an weekend mo?,’ puwede mong sabihon an sarong bagay na nanudan mo sa pagtiripon o an ginigibo mong pagtutukdo sa Bibliya.