MAYO 27–HUNYO 2
SALMO 42-44
Kanta 86 Asin Pamibi | Introduksiyon (1 min.)
1. Lubos na Makinabang sa Pagtutukdo na Itinatao ni Jehova
(10 min.)
Aprobetsaran an mga oportunidad na sambahon si Jehova nin magkairibanan, asin mas magayon kun gigibuhon iyan nin in-person (Sal 42:4, 5; w06 6/1 9 ¶4)
Mamibi bago mag-adal kan Tataramon nin Diyos (Sal 42:8; w12 1/15 15 ¶2)
Magpagiya sa Bibliya sa gabos na gigibuhon mo sa saimong buhay (Sal 43:3)
An pagtutukdo na itinatao ni Jehova nagpapakusog sa sato na atubangon an mga kadipisilan asin padagos na utubon an satong pagdusay.—1Pe 5:10; w16.09 5 ¶11-12.
2. Espirituwal na Kayamanan
(10 min.)
Sal 44:19—Ano an tibaad buot sabihon kan ekspresyon na “kun sain nag-iistar an mga layas na ayam na jakal”? (it-1-TG 490)
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Sal 44:1-26 (th leksiyon 11)
4. Pagpuon nin Pakikipag-ulay
(4 min.) PAGHARONG-HARONG. Mag-alok nin pag-adal sa Bibliya. (lmd leksiyon 5 punto 5)
5. Pagdalaw Liwat
(5 min.) PAGHARONG-HARONG. Imbitaran an kagharong sa pagtiripon para madangog an sunod na pampublikong pahayag. Ipahiling an video na Paano Ginigibo an Pagtiripon sa Kingdom Hall? (lmd leksiyon 7 punto 5)
6. Pahayag
(3 min.) lmd apendise A punto 4—Tema: An Gabos Magkakaigwa nin Perpektong Salud. (th leksiyon 2)
Kanta 21
7. Magin Madunong sa Pagdedesisyon Manungod sa Trabaho Asin Edukasyon
(15 min.) Pagtukar.
Mga hoben, nagpaplano na daw kamo kun ano an gigibuhon nindo pakagradwar nindo sa high school? Tibaad may naiisip na kamong trabaho para makapagpayunir. O tibaad iniisip nindo na magklase pa para magkaigwa kamo nin kasanayan, lisensiya, o diploma na makakatabang sa saindo na makua an trabahong iyan. Exciting na panahon ini sa buhay nindo! Pero, tibaad dai kamo sigurado kun ano an gigibuhon huling kadakul nin mapagpipilian o napi-pressure kamo na gumibo nin desisyon na makakapaugma sa iba. Ano an makakatabang saindo na gumibo nin madunong na mga desisyon?
Basahon an Mateo 6:32, 33. Dangan ihapot:
Taano ta magayon na igwa ka na nin espirituwal na mga pasuhan bago ka pa gumibo nin importanteng mga desisyon manungod sa trabaho asin edukasyon?
Paano matatabangan kan mga magurang an saindang mga aki na masunod an Mateo 6:32, 33?—Sal 78:4-7
Sa paggibo mo nin desisyon, mag-ingat na dai maimpluwensiyahan iyan kan pagmawot na yumaman o magin sikat. (1Ju 2:15, 17) Tandaan, puwedeng magin dipisil sa saro na akuon an mensahe kan Kahadian pag kadakul siyang materyal na mga bagay. (Lu 18:24-27) An paghihinguwa na kamtan an materyal na kayamanan makakaulang sa saro na magkaigwa nin makusog na pagtubod asin na magpokus sa pagpaugma ki Jehova.—Mat 6:24; Mar 8:36.
I-play an VIDEO na Mag-ingat na Dai Magsarig sa mga Bagay na Nawawara!—Kayamanan. Dangan ihapot:
Paano makakatabang saimo an Talinhaga 23:4, 5 na gumibo nin madunong na mga desisyon?
8. Pag-adal sa Bibliya kan Kongregasyon
(30 min.) bt kap. 10 ¶5-12