Pakusugon an Saimong Pagtitiwala sa Kakayahan ni Jehova na Magligtas

Basahon an Bilang 13:25–14:4 para mahiling kun paano an mga Israelita nagpahiling nin kawaran nin pagtitiwala ki Jehova.

Analisaron an konteksto. Taano ta dapat kutanang nagpahiling an mga Israelita nin kumpiyansa sa kakayahan ni Jehova na iligtas sinda mantang pahali sinda sa Ehipto? (Sal. 78:​12-16, 43-53) Ano an dahilan kaya nawara an saindang pagtitiwala ki Jehova? (Deu. 1:​26-28) Anong klaseng pagtitiwala ki Jehova an ipinahiling ni Josue asin Caleb?​—Bil. 14:​6-9.

Magsiyasat pa. Ano kuta an puwedeng ginibo kan mga Israelita tanganing magkusog an saindang pagtitiwala ki Jehova? (Sal. 9:10; 22:4; 78:11) Paano an satong pagtitiwala ki Jehova konektado sa satong paggalang sa saiya?​—Bil. 14:11.

Aramon an mga leksiyon. Haputon an sadiri:

• ‘Sa anong mga sitwasyon puwedeng magin dipisil sa sako na lubos na magtiwala ki Jehova?’

• ‘Paano ko mapapakusog an pagtitiwala ko ki Jehova ngunyan asin sa maabot?’

• ‘Sa ano ako lubos na makakapagtiwala pag nagpuon na an dakulang kasakitan?’—Luc. 21:​25-28.