Kanta 13
Kristianong Pagdusay
1. Mantang lalang ni Jehova
An uniberso ta,
Sa iya an daga, langit,
Gabos ’yan gibo nia.
An buhay na ’tinao nia
Nagpapatunay na
Sia maninigo sa pag-omaw,
Sa bilog tang pagsamba.
2. Kan sa Sinai nagpromesa,
Mga Israelita:
‘Maogma ming kukuyogon,
Togon ni Jehova.’
Kinalda sinda sa dagat,
Kaya rogaring Nia.
Nasyon nin mga idinusay,
Dapat maimbod sinda.
3. Sa bautismo ’prinesentar
An buhay ni Jesus
Nakabotan ni Jehova
Ootobon gabos.
Kan pagbutwa nia sa Jordan
Bilang linahidan,
Maglilingkod siang makinuyog
Asin may kaimbodan.
4. Uya kami, O Jehova,
Sa pagpamuraway.
Isinikwal an sadiri,
Buhay idinusay.
Bugtong mong Aki sinugo
Sa pagtubos samo.
Sa buhay man o kagadanan
Para kami saimo.