Kanta 217
Pakikikatood ki Jehova
1. Si’say, Jehova Dios, an magigin katood mo?
Sa saimong tolda sia magdadanay na bisita mo?
Maimbod siang tawo sa paglingkod s’imo,
Sa pagtaram asin sa gawe may dalisay na puso.
Sisay, Jehova Dios, an magigin katood mo?
Na sa bukid na banal mag-eerok kaiba nindo?
Sia na sa pagtataram nag-iingat man ’nganing mayong makolgan.
(Koro)
2. Si’say, Jehova Dios, an maerok kaiba mo?
Sisay daw an magigin dayupot na kaamigo mo?
Siang an itinaram gabos hinahaman,
An dalan tanos, katotoohan sia nahahagkosan.
Mawot mi, Jehova, na magin man katood mo.
Biblia mo an nagsasabi kan kabotan mo samo.
Gawe niamo bagohon, ika an sundon tanganing amigohon.
(Koro)
3. Mawot mi, Jehova, mag-erok kaibanan mo.
Dai kayang roropon inakong katoninongan mo.
Huli sa Aki mo nakabalik samo,
Dalisay na pagsamba. Kaya kami namoot s’imo.
Kaya, Jehova Dios, babantayan mi talaga,
Mahalagang marhay na pakikikatood samuya.
Sa pagsamba saimo dian sa bukid mo kami nanggad sararo.
(Koro)
Mawot mi, Jehova, katood mi ika.