Sarong Bagong Kinaban Segun sa Panuga nin Dios
AN Biblia, an nasusurat na Tataramon nin Dios, pinapano kita nin paglaom sa pagsabi kaiyan: “Igwa nin bagong kalangitan asin sarong bagong daga na satong hinahalat segun sa saiyang panuga, asin sa mga ini magdadanay an katanosan.”—2 Pedro 3:13.
Ano an “bagong kalangitan”? An langit iinaasosyar kan Biblia sa pamamahala. (Gibo 7:49) An “bagong kalangitan” bagong gobyerno na mamamahala sa daga. Iyan bago ta sasalidahan kaiyan an presenteng sistema nin pamamahala; bago man iyan na pangyayari sa pagkaotob kan katuyohan nin Dios. Iyan an Kahadean na itinokdo sa sato ni Jesus na ipamibi. (Mateo 6:10) Mantang an Dios an Burabod kaiyan asin sia nag-eerok sa langit, iyan inaapod na “kahadean kan kalangitan.”—Mateo 7:21.
Ano an “bagong daga”? Iyan bakong bagong globo, ta malinaw na sinasabi kan Biblia na an daga eerokan sagkod lamang. An “bagong daga” bagong sosyedad nin tawo. Iyan magigin bago ta pinoho na an mga maraot. (Talinhaga 2:21, 22) An gabos na nabubuhay sa panahon na iyan matao nin onra asin makuyog sa Kaglalang saka mamumuhay kaoyon kan saiyang mga kahagadan. (Salmo 22:27) An mga tawo hale sa gabos na nasyon inaagdang adalan an mga kahagadan na iyan asin ioyon dian an saindang buhay ngonyan. Ginigibo daw nindo iyan?
Sa bagong kinaban nin Dios, igagalang kan gabos an Saiyang pamamahala. Minomotibar daw kamo kan pagkamoot sa Dios na kuyogon sia? (1 Juan 5:3) Risang-risa daw iyan sa saindong harong? sa trabaho o sa eskuelahan? sa paggamit nindo kan saindong buhay?
Sa bagong kinaban na iyan, an sosyedad nin tawo magkakasararo sa pagsamba sa tunay na Dios. Sinasamba daw nindo an Kaglalang kan langit asin daga? Talaga daw na huli sa saindong pagsamba nagigin kasaro kamo nin mga kapwa parasamba hale sa gabos na nasyon, gabos na rasa, gabos na lenguahe?—Salmo 86:9, 10; Isaias 2:2-4; Sofonias 3:9.
[Kahon sa pahina 17]
An Dios na Nanunuga kan mga Bagay na Ini
Sia an Kaglalang kan pisikal na kalangitan asin kan planetang Daga. Sia an inapod ni Jesu-Cristo na “iyo sanang tunay na Dios.”—Juan 17:3.
An mayoriya sa katawohan nagtatao nin onra sa mga dios na gibo ninda. Minilyon an minaduko sa atubangan nin mga imahen na daing buhay. An iba nagpapamuraway sa mga institusyon nin tawo, sa materyalistikong mga pilosopiya, o sa sadiri nindang mga kamawotan. Dawa an mga naghihingakong naggagamit kan Biblia dai gabos nagtatao nin onra sa ngaran kan inaapod kaiyan na “tunay na Dios.”—Deuteronomio 4:35.
Mapadapit sa saiya man sana, sinasabi kan Kaglalang: “Ako si Jehova. Iyan an sakong ngaran.” (Isaias 42:5, 8) An ngaran na ini minalataw nin mga 7,000 na beses sa Biblia sa orihinal na mga lenguahe kaiyan. Tinokdoan ni Jesu-Cristo an saiyang mga parasunod na mamibi: “Ama niamo na nasa langit, santipikaron logod an saimong ngaran.”—Mateo 6:9.
Anong klaseng persona an tunay na Dios? Ilinaladawan nia an saiyang sadiri na “maheherakon asin maugayon, maluway sa pagkaanggot asin abunda sa mamomoton na kabootan asin katotoohan” asin dai nanggad pinapalibre sa padusa an mga tuyong minalapas sa saiyang mga togon. (Exodo 34:6, 7) Pinapatunayan kan kasaysayan kan tratamiento nia sa katawohan an pagigin totoo kan paglaladawan na iyan.
An ngaran sagkod an personang irinerepresentar kan ngaran na iyan dapat na santipikaron, o ibilang na banal. Bilang an Kaglalang asin Unibersal na Soberano, maninigo siang tawan kan satong pagkuyog asin kan gabos niatong pagsamba. An mga ini daw personal nindong itinatao sa saiya?
[Kahon/Ritrato sa pahina 18]
Anong mga Pagbago an Papangyayarihon kan “Bagong Kalangitan Asin Sarong Bagong Daga”?
Daga na nagin Paraiso Lucas 23:43
Lakop sa globong sosyedad na Juan 13:35;
dian an mga tawo hale sa gabos Kapahayagan 7:9, 10
na nasyon, gabos na rasa, gabos
na lenguahe nagkakasararo sa
pagkamoot
Lakop sa globong katoninongan, Salmo 37:10, 11;
tunay na katiwasayan para sa gabos Miqueas 4:3, 4
Nakakakontentong trabaho, Isaias 25:6; 65:17, 21-23
abundang kakanon
Hinale na an helang, pagmondo, Isaias 25:8;
kagadanan Kapahayagan 21:1, 4
Sarong kinaban na sararo sa Kapahayagan 15:3, 4
pagsamba sa tunay na Dios
[Kahon/Mga ritrato sa pahina 19]
An Dios na Nanunuga kan mga Bagay na Ini
Sia an Kaglalang kan pisikal na kalangitan asin kan planetang Daga. Sia an inapod ni Jesu-Cristo na “iyo sanang tunay na Dios.”—Juan 17:3.
An mayoriya sa katawohan nagtatao nin onra sa mga dios na gibo ninda. Minilyon an minaduko sa atubangan nin mga imahen na daing buhay. An iba nagpapamuraway sa mga institusyon nin tawo, sa materyalistikong mga pilosopiya, o sa sadiri nindang mga kamawotan. Dawa an mga naghihingakong naggagamit kan Biblia dai gabos nagtatao nin onra sa ngaran kan inaapod kaiyan na “tunay na Dios.”—Deuteronomio 4:35.
Mapadapit sa saiya man sana, sinasabi kan Kaglalang: “Ako si Jehova. Iyan an sakong ngaran.” (Isaias 42:5, 8) An ngaran na ini minalataw nin mga 7,000 na beses sa Biblia sa orihinal na mga lenguahe kaiyan. Tinokdoan ni Jesu-Cristo an saiyang mga parasunod na mamibi: “Ama niamo na nasa langit, santipikaron logod an saimong ngaran.”—Mateo 6:9.
Anong klaseng persona an tunay na Dios? Ilinaladawan nia an saiyang sadiri na “maheherakon asin maugayon, maluway sa pagkaanggot asin abunda sa mamomoton na kabootan asin katotoohan” asin dai nanggad pinapalibre sa padusa an mga tuyong minalapas sa saiyang mga togon. (Exodo 34:6, 7) Pinapatunayan kan kasaysayan kan tratamiento nia sa katawohan an pagigin totoo kan paglaladawan na iyan.
An ngaran sagkod an personang irinerepresentar kan ngaran na iyan dapat na santipikaron, o ibilang na banal. Bilang an Kaglalang asin Unibersal na Soberano, maninigo siang tawan kan satong pagkuyog asin kan gabos niatong pagsamba. An mga ini daw personal nindong itinatao sa saiya?