Sarong Pamibi nin Pagpasalamat

1. Dios na Jehova, dapat kang omawon,

Tabi, O Dios, boses mi dangogon.

Namimibi na bilog an paglaom

Sa pangataman mong mabooton.

An kaluyahan hayag sa buhay mi;

Paghagad nin tawad pamibi mi.

Salamat sa atang ni Jesu-Cristo;

Mawot niamo patokdo saimo.

2. Ogma nanggad an mga imbitado;

Nasa laog kan saimong patyo.

An Tataramon mo an giya niamo.

Mawot ming mag-erok sa templo mo.

Makangingirhat kapangyarihan mo;

Nagpakosog sa mga lingkod mo!

Kahadean mo ibabalangibog;

Sierto niamo na iyan maabot.

3. Sa pangataman mo magayagaya;

Pagsamba saimo palakopa.

Kahadean mo helang hahaleon;

Kagadanan, luha, paparaon.

Lalaglagon an gabos na karatan.

Maawit an bilog na linalang.

Sa pasalamat samong aawiton:

“Hadeng Jehova, mamurawayon!”