Magparinigonan nin Boot

1. Mantang nagpaparinigonan

Na maglingkod ki Jehova,

Nagkokosog pagkamoot ta;

Nagkakasararo kita.

Pagkaminorootmootan

Tabang na magtagal kita.

An kongregasyon pailihan;

Tiwasay an pagmate ta.

2. Nakakaranga tataramon

Kun tama ’yan sa panahon!

Nadadangog ta an pangranga

Sa tugang na maimbodon.

Maogmang makaibaiba

An tugang sa paglingkod ta!

Nagpapakinosogkosogan,

Nagtitinarabangan pa.

3. Naheheling na nanggad niato,

Aldaw ni Jah harani na.

Kaya dai pagpabayaan,

Danay na pagtiripon ta.

Banwaan nin Dios kaiba ta,

Mawot tang pirmeng maglingkod.

Lambang saro parigonon ta

Na magdanay na maimbod.