KABTANG 4

Nagdangog Sinda ki Satanas—Ano an mga Resulta?

Dai nagsunod sa Diyos si Adan asin Eva, kaya nagadan sinda. Genesis 3:6, 23

Si Eva na nagkakakan kan ipinagbabawal na bunga, asin tinawan man niya si Adan

Nagdangog si Eva sa halas asin nagkakan kan bunga. Tapos, tinawan niya si Adan asin nagkakan man ini kaiyan.

Sala an ginibo ninda—kasalan idto. Pinahali sinda nin Diyos sa saindang istaran na Paraiso.

Si Adan asin Eva na gurang na dangan nagadan

Nagin masakit an buhay ninda saka kan saindang mga aki. Naggurang sinda asin nagadan. Dai sinda nagduman sa lugar nin mga espiritu; dai na sinda nag-eksister.

An mga gadan pareho kan alpog na mayong buhay. Genesis 3:19

Mga tawo na manlain-lain an kultura asin nabuhay sa manlain-lain na panahon

Nagagadan kita ta gabos kita hali ki Adan asin Eva. An mga gadan dai nakakahiling o nakakadangog o nakakagibo nin ano man.—Eclesiastes 9:5, 10.

Sarong aking babayi na nagadan asin ipinagmumundo kan saiyang pamilya

Bakong katuyuhan ni Jehova na magadan an mga tawo. Dai mahahaloy, bubuhayon niya an mga gadan. Kun magdangog sinda sa saiya, mabubuhay sinda nin daing katapusan.