Dinadangog Daw Kita ni Jehova?

Talagang dinadangog nin Diyos an satong mga pamibi. 1 Pedro 3:12

Si Jehova an “Paradangog nin pamibi.” (Salmo 65:2) Gusto niya na kaulayon ta siya hali sa puso.

Mamibi ki Jehova, bakong sa kiisay man.

Dakul kitang puwedeng ipamibi. 1 Juan 5:14

Ipamibi na mangyari an kabutan nin Diyos sa langit asin sa daga.

Mamibi na ipinapaagi sa pangaran ni Jesus para ipahiling na pinapahalagahan mo an ginibo niya para sa saimo.

Mamibi ki Jehova na tabangan ka niyang magibo an marahay. Puwede mo man ipamibi an manungod sa kakanon, trabaho, istaran, bado, asin marahay na salud.