Ano an Kahadian nin Diyos?

AN SABI KAN BIBLIYA

“An Diyos nin langit maestablisar nin sarong kahadian na dai nuarin man malalaglag.”—Daniel 2:44, Bagong Kinaban na Traduksiyon.

“Sarong aking lalaki an itinao sa satuya; asin an gobyerno mamumugtak sa saiyang abaga.”—Isaias 9:6; nota sa ibaba.

AN MGA PAKINABANG MO DIYAN

• Sarong matanos na gobyerno na personal na makakatabang sa saimo.—Isaias 48:17, 18.

• Sa maabot na bagong kinaban, magigin maugma ka asin dai na magkakahilang.—Kapahayagan 21:3, 4.

TALAGA DAW NA MAKAKAPAGTIWALA KITA SA SINASABI KAN BIBLIYA?

Iyo, huli sa duwang panginot na dahilan:

• Ipinahiling ni Jesus kun ano an gigibuhon kan Kahadian nin Diyos. Tinukduan ni Jesus an saiyang mga parasunod na ipamibi na umabot lugod an Kahadian nin Diyos asin mangyari an kabutan nin Diyos digdi sa daga. (Mateo 6:9, 10) Ipinahiling ni Jesus kun paano sisimbagon an pamibing iyan.

  Kan si Jesus yaon digdi sa daga, nagpakakan siya nin mga nagugutom, nagpaumay nin mga may hilang, asin nagbuhay nin mga gadan! (Mateo 15:29-38; Juan 11:38-44) Bilang an magigin Tagapamahala kan Kahadian nin Diyos, nagpahiling si Jesus nin patanaw kan mga gigibuhon kan Kahadian para sa mga sakop kaiyan.—Kapahayagan 11:15.

• An mga kamugtakan sa kinaban nagpapatunay na madali nang mag-abot an Kahadian nin Diyos. Sinabi ni Jesus na bago magdara nin katuninungan sa daga an Kahadian, magkakaigwa nguna nin mga giyera, tiggutom, asin linog.—Mateo 24:3, 7.

  Nahihiling ta na ngunyan an mismong mga kamugtakan na iyan. Kaya makakapagtiwala kita na sa dai na mahahaloy, hahalion na kan Kahadian nin Diyos an gabos na problemang iyan.